जिममध्ये घाम गाळून बॉडी बनवण ही आजकाल फॅशन झाली आहे. स्नायू आणि बायसेप्स वाढवण्यासाठी जिम जॉईन करणारे असे अनेक लोक तुम्ही पाहिले असतील. त्याच वेळी, असे काही लोक आहेत जे जलद परिणाम मिळविण्यासाठी स्टिरॉइड्स आणि इंजेक्शन्स इत्यादींचा वापर करतात. असेच एक प्रकरण नुकतेच समोर आले आहे जिथे ब्राझीलचा बॉडीबिल्डर आणि टिकटॉक स्टार वाल्दिर सेगाटोने बॉडी वाढवण्यासाठी असे काहीतरी केले ज्यामुळे त्याचा मृत्यू झाला.
‘हल्क’ या नावाने ओळखल्या जाणाऱ्या या ब्राझीलच्या व्यक्तीने 23 इंचाचे बायसेप्स वाढवण्यासाठी तो स्वत:ला इंजेक्शन्स घ्यायचा त्यामुळे रिबेराव प्रेटोच्या 55 व्या वाढदिवसानिमित्त त्याचा मृत्यू झाला. स्ट्रोक आणि संसर्गाचा धोका असूनही, वाल्डीर सेगाटो हे बायसेप्स आणि पाठीचे स्नायू वाढवण्यासाठी सिंथॉल इंजेक्शन्सचा बराच काळ वापर करत होता.
डेली मेलच्या वृत्तानुसार, वालदीरने 2016 मध्ये सांगितले की, लोक मला नेहमी श्वार्झनेगर, हल्क आणि हे-मॅन या नावांनी हाक मारतात आणि मला हे सर्व ऐकायला आवडते. मी माझे बायसेप्स दुप्पट केले आहेत पण मला अजून मोठे बायसेप्स हवे आहेत. मला हल्कसारख दिसायचं आहे असं तो म्हणाला होता.
6 वर्षांपूर्वी वाल्दीरला डॉक्टरांनी इशारा दिला होता की, जर त्याने असे शरीर बनवण्यासाठी इंजेक्शन्सचा वापर सुरू ठेवला तर त्याला मज्जातंतूंच्या नुकसानीसह अनेक जीवघेण्या समस्यांना सामोरे जावे लागू शकते, परंतु असे असतानाही वाल्दीरने स्नायू वाढवण्यासाठी इंजेक्शन्सचा वापर सुरूच ठेवला.
सतत इंजेक्शन्स दिल्यानंतर, वाल्दीरचे स्नायू 23 इंचांपर्यंत वाढले, ज्यामुळे लोक त्याला ‘द मॉन्स्टर’ म्हणू लागले, ज्याचा त्याला खूप अभिमान होता. वालदीर त्याच्या शरीरातील बदलाचे अनेक फोटो आणि व्हिडिओ सोशल मीडियावर शेअर करत असे तसेच तो स्वत:ला ‘वाल्दीर सिंथोल’ म्हणून संबोधत असे.