IPL 2024: हार्दिक पांड्या मुंबई इंडियन्स संघात सामील, गुजरातची साथ सोडली

हार्दिक पांड्या अखेर मुंबई इंडियन्समध्ये परतला आहे. अहवालानुसार, मुंबईने हार्दिक पांड्याला आयपीएल 2024 साठी आपल्या संघात समाविष्ट केले आहे. हार्दिक पांड्याने गुजरात टायटन्स सोडून मुंबई इंडियन्समध्ये सामील होणे हा आयपीएल 2024 पूर्वी मोठा फेरबदल आहे. आयपीएल ट्रेडमध्ये अनेकदा खेळाडू बदलतात, म्हणजेच संघ एकमेकांशी खेळाडूंची देवाणघेवाण करतात.

‘क्रिकबझ’च्या वृत्तानुसार, या डीलमध्ये गुजरात टायटन्सने मुंबई इंडियन्सकडून बदल्यात एकही खेळाडू घेतलेला नाही. या करारात मुंबई आणि गुजरात या दोन्ही संघांचा सहभाग होता. मुंबई इंडियन्स ही हार्दिक पांड्याची जुनी आयपीएल फ्रँचायझी आहे, ज्याद्वारे त्याने या स्पर्धेत पदार्पण केले.

Mumbai Indians have completed the trade for Hardik Pandya from Gujarat Titans, and also traded Cameron Green to Royal Challengers Bangalore https://t.co/9f5btsz3ps

— ESPNcricinfo (@ESPNcricinfo) November 27, 2023

अशा परिस्थितीत या कराराचा मुंबईला कितपत फायदा होतो आणि गुजरात संघाला किती तोटा सहन करावा लागतो हे पाहणे उत्सुकतेचे ठरणार आहे. ही आयपीएलची सर्वात मोठी डील म्हणता येईल. गुजरात टायटन्सला त्याच्या नेतृत्वाखाली एकदा (2022 मध्ये) चॅम्पियन बनवल्यानंतर, हार्दिकने पुढील हंगामात (IPL 2023) दुसऱ्यांदा गुजरात टायटन्सला फायनलमध्ये नेले होते, जिथे त्यांना चेन्नई सुपर किंग्ज विरुद्धच्या फायनलमध्ये पराभवाचा सामना करावा लागला होता.

हार्दिक पांड्याने 2015 मध्ये अनकॅप्ड खेळाडू म्हणून आयपीएलमध्ये पदार्पण केले होते. मुंबई इंडियन्स सोडण्यापूर्वी हार्दिकने संघासाठी 92 सामने खेळले, ज्यामध्ये त्याने 85 डावांमध्ये 27.33 च्या सरासरीने आणि 153.91 च्या स्ट्राइक रेटने 1476 धावा केल्या. याशिवाय त्याने गोलंदाजीत 31.26 च्या सरासरीने 42 बळी घेतले. त्यानंतर तो गुजरात टायटन्सचा भाग झाला. आता तो पुन्हा एकदा मुंबई इंडियन्समध्ये परतला आहे. मात्र, मुंबई इंडियन्स किंवा गुजरात टायटन्सकडून अद्याप अधिकृत माहिती येणे बाकी आहे.

गुजरात टायटन्सचा स्फोटक फलंदाज शुभमन गिल आयपीएल 2024 मध्ये संघाचे नेतृत्व करेल. सूत्रांच्या हवाल्याने ही बातमी समोर आली आहे. मात्र, फ्रँचायझीकडून अधिकृत दुजोरा मिळालेला नाही. बीसीसीआयचे वरिष्ठ अधिकारी आणि आयपीएल गव्हर्निंग कौन्सिलचे सदस्य हार्दिक पांड्या मुंबई इंडियन्समध्ये सामील झाल्याबद्दल म्हणाले, ‘होय, संध्याकाळी 5 नंतर हार्दिकचा ‘ट्रेड ऑफ’ पूर्ण झाला. आता हा करार अधिकृत झाला असून तो मुंबई इंडियन्सचा खेळाडू आहे.