प्रसिद्ध अभिनेत्री प्रियांका चोप्रा (Priyanka Chopra) नुकतीच सरोगसीच्या माध्यमातून आई झाली आहे. त्यामुळे तिचे चाहते खूप खूश आहेत. दरम्यान आता प्रियंका चोप्राच्या घरी पुन्हा एकदा गुड न्यूज आहे. लवकरच प्रियांकाच्या घरी नवीन पाहुणा येणार आहे. प्रियंका आताच आई झालीय मग पुन्हा नवीन पाहुणा येणार हे वाचल्यावर तीचे चाहते गोंधळून गेले आहेत.
तर प्रियंका चोप्राची जाऊबाई म्हणजेच हॉलिवूड अभिनेत्री सोफी टर्नर आणि गायक जो जोनास आता लवकरच दुसऱ्या बाळाचे आई बाबा होणार आहेत. जो आणि सोफीला एक मुलगी असून तिचं नाव विला आहे. पहिले बाळ दोन वर्षांचे झाल्यानंतर आता हे जोडपे दुसऱ्या बाळाचे स्वागत करणार आहेत.
विदेशी मीडियाच्या सूत्रांकडून मिळालेल्या माहितीनुसार, जो आणि सोफी हे लवकरच दुसऱ्या मुलाचे आई बाबा होणार आहेत. अलीकडेच, या जोडप्याने जोचा वाढदिवस आणि प्रेग्नेंसीचा आनंद देखील साजरा केला आहे.