VIDEO: “एका ‘शॉट’साठी 7,000” पर्यटनाच्या नावाखाली गोव्यात देहविक्रयाचा बाजार? विदेशी तरुणीचा व्हिडिओ व्हायरल
‘पर्यटकांचे नंदनवन’ म्हणून ओळखल्या जाणाऱ्या गोव्यातून सध्या एक अत्यंत खळबळजनक आणि संतापजनक प्रकार समोर आला आहे. सोशल मीडियावर सध्या एक व्हिडिओ वेगाने व्हायरल होत असून, यामध्ये एक विदेशी तरुणी देहविक्रयाचे दर सांगताना उघडपणे दिसत आहे. या व्हिडिओने केवळ गोव्यातच नव्हे, तर संपूर्ण देशात खळबळ उडवून दिली असून गोव्याच्या संस्कृतीवर आणि पर्यटनाच्या स्वरूपावर प्रश्नचिन्ह उपस्थित केले जात आहे.
दरांचा पाढा वाचणारी विदेशी तरुणी
व्हायरल झालेल्या या व्हिडिओमध्ये एक व्यक्ती एका विदेशी तरुणीशी संवाद साधताना दिसत आहे. जेव्हा या तरुणीला तिच्या सेवेचे ‘रेट’ विचारले जातात, तेव्हा ती अतिशय निर्लज्जपणे दरांची माहिती देते. एका ‘शॉट’साठी ७ हजार रुपये आणि एका तासासाठी ७ हजार रुपये आकारले जातील, असे ती स्पष्टपणे सांगते. धक्कादायक बाब म्हणजे, जर चार जण एकत्र असतील, तर त्यासाठी २५ हजार रुपये द्यावे लागतील, अशी ‘ऑफर’ देखील ती तरुणी देताना कॅमेऱ्यात कैद झाली आहे. हा सर्व व्यवहार भररस्त्यात किंवा सार्वजनिक ठिकाणी इतक्या उघडपणे चालतोय, हे पाहून नेटिझन्सनी संताप व्यक्त केला आहे.
View this post on Instagram
गोव्यात नक्की चाललंय काय?
गोव्याची ओळख ही सुंदर समुद्रकिनारे, प्राचीन मंदिरे आणि चर्चसाठी आहे. मात्र, गेल्या काही वर्षांत अमली पदार्थ आणि देहविक्रयासारख्या अनैतिक प्रकारांमुळे राज्याची प्रतिमा मलिन होत चालली आहे. हा व्हिडिओ व्हायरल झाल्यानंतर “गोव्यात सध्या काय सुरू आहे?” असा संतप्त सवाल स्थानिक नागरिक आणि पर्यटकांकडून विचारला जात आहे. विदेशी तरुणींचे अशा प्रकारे देहविक्रयाच्या व्यवसायात उघडपणे सामील असणे, हे स्थानिक पोलीस प्रशासन आणि गुप्तचर विभागाचे अपयश असल्याचे बोलले जात आहे.
प्रशासनाच्या भूमिकेकडे लक्ष
हा व्हिडिओ नेमका गोव्यातील कोणत्या भागातील आहे आणि तो कधी चित्रित करण्यात आला, याचा तपास आता सुरू झाला आहे. गोव्यात येणाऱ्या परदेशी पर्यटकांवर आणि त्यांच्या हालचालींवर नियंत्रण मिळवण्याचे मोठे आव्हान आता गृहविभागासमोर उभे ठाकले आहे. अशा प्रकारचे उघड व्यवहार जर पर्यटनस्थळांवर होत असतील, तर त्यामुळे कौटुंबिक पर्यटनावर मोठा परिणाम होऊ शकतो. आता या व्हिडिओतील तरुणीवर आणि हा रॅकेट चालवणाऱ्या दलालांवर पोलीस काय कारवाई करतात, याकडे सर्वांचे लक्ष लागले आहे.