SSC Result 2022 : दहावीच्या निकालात कोकण-कन्या सुसाट…! यंदा 96.94 टक्के निकालासह मुलींची बाजी

SSC Result 2022 : महाराष्ट्र राज्य माध्यमिक आणि उच्च माध्यमिक शिक्षण मंडळातर्फे घेण्यात आलेल्या दहावीचा निकाल जाहीर करण्यात आला आहे. यावर्षी राज्याचा दहावीचा निकाल 96.94 टक्के लागला आहे. विद्यार्थ्यांना दुपारी एक वाजता ऑनलाईन निकाल पाहता येणार आहे. दरवर्षीप्रमाणे यंदाच्या निकालातही मुलींनी बाजी मारली आहे. यावर्षी उत्तीर्ण विद्यार्थीनी 97.96 टक्के मुली उत्तीर्ण झाल्या आहेत. तर उत्तीर्ण होणाऱ्या मुलांचे प्रमाण 96.06 टक्के आहे. म्हणजे परीक्षा देणाऱ्या मुलांपेक्षा 1.09 टक्के अधिक मुली उत्तीर्ण झाल्या आहेत. महाराष्ट्र बोर्डाच्यावतीने घेण्यात आलेल्या पत्रकार परिषदेमध्ये ही माहिती देण्यात आली आहे.

राज्यात 15 लाख 68 हजार 977 विद्यार्थ्यांनी दहावीची परीक्षा दिली होती. त्यापैकी 15 लाख 21 हजार 003 विद्यार्थी उत्तीर्ण झाले आहेत. राज्यातून सर्वाधिक निकाल हा कोकण विभागाचा लागला आहे. त्यानुसार आता बारावीतही कोकण विभागानं आपला रेकॉर्ड कायम ठेवला आहे. 10च्या निकालातही कोकण विभागाचा निकाल 99.27 टक्के लागला आहे. सर्वात कमी निकाल हा नाशिक विभागाचा लागला आहे. नाशिक विभागाचा निकाल 95.90टक्के लागला आहे. इतर विभागांचे निकाल पुढील प्रमाणे आहेत.

दहावीचा विभागवार निकाल

• कोकण 99.27
• पुणे 96.96
• नागपूर 97.00
• औरंगाबाद 96.33
• मुंबई 96.94
• कोल्हापूर 98.50
• अमरावती 96.81
• नाशिक 95.90
• लातूर 97.27