SSC Result 2022: सर्व विषयांमध्ये फक्त एवढे मार्क्स मिळवा आणि तुम्ही आरामात पास; बोर्डाचे नियम वाचा

SSC Result 2022 : यंदा कोरोनाचा प्रादुर्भाव नसल्यामुळे बोर्डाकडून ऑफलाईन परीक्षा (Offline Board Exams) घेण्याचा निर्णय घेण्यात आला. याला अनेक विद्यार्थ्यांनी रस्त्यावर उतरून विरोधही केला होता. राज्यातील अनेक शहरांमध्ये बोर्डाची परीक्षा देणारे विद्यार्थी रस्त्यावर उतरून आंदोलन करत होते. संपूर्ण वर्ष ऑनलाईन शिक्षण दिल्यानंतर परीक्षाही ऑनलाईन पद्धतीनेच व्हाव्यात यावर विद्यार्थी ठाम होते. मात्र राज्य सरकारने मागणी मान्य न करता ऑफलाईन पद्धतीने परीक्षा घेण्यात आल्या. मात्र आता परीक्षा झाल्यानंतर आज दहावी बोर्डाचा निकाल (Maharashtra state board ssc result 2022) जाहीर होणार आहे.

यंदा तब्बल दोन वर्षांनी ऑफलाईन परीक्षा झाल्यामुळे विद्यार्थ्यांच्या मनात प्रचंड भीती निर्माण झाली आहे. तसेच विद्यार्थ्यांच्या पालकांनाही प्रचंड टेन्शन आले आहे. निकाल जाहीर होण्यासाठी अवघे काही तास उरले आहेत. मात्र या परीक्षेमध्ये पास होण्यासाठी नक्की किती मार्क्स आवश्यक आहेत? हा प्रश्न विद्यार्थ्यांना पडला आहे. चला तर याच प्रश्नाचं उत्तर जाणून घेऊयात.

SSC Result 2022: दहावीचा निकाल कसा आणि कुठे पहायचा? जाणून घ्या

इतके गुण मिळवणं आवश्यक

• स्टेट बोर्डाच्या बारावीच्या परीक्षेत पास होण्यासाठी विद्यार्थ्यांना प्रत्येक विषयामध्ये किमान 35 टक्के मार्क्स असणं आवश्यक आहे.
• तसंच विद्यार्थी प्रॅक्टिकल परीक्षेतही विद्यार्थी उपस्थित आणि उत्तीर्ण असणं आवश्यक आहे.
• ज्या विद्यार्थ्यांना 35 टक्के मार्क्स मिळू शकणार नाहीत अशा विद्यार्थ्यांना चिंता करण्याची गरज नाही.
• अशा विद्यार्थ्यांना पुरवणी परीक्षेला बसता येणार आहे.
• तसेच विद्यार्थ्यांना कोणत्याही पेपरमध्ये कमी मार्क्स मिळाले आहेत असे वाटत असेल तर असे विद्यार्थी पेपर्स रिचेकिंगलाही देऊ शकणार आहेत.
• याबाबत संपूर्ण प्रोसेस बोर्डातर्फे कळवण्यात येणार आहे.