LPG Cylinder Price Reduced: नवरात्रीमध्ये एलपीजी सिलिंडर (LPG gas Cylinder) च्या दरात कपात करण्यात आली आहे. तथापि, देशातील व्यावसायिक एलपीजी सिलिंडर (Commercial LPG Cylinder) च्या किमतीत ही कपात करण्यात आली आहे. घरगुती सिलिंडरच्या दरात कोणतीही कपात झालेली नाही.
आजपासून दिल्लीत व्यावसायिक गॅस सिलिंडर 25.5 रुपयांनी स्वस्त झाला आहे. मुंबईबद्दल बोलायचे झाले तर गॅस सिलिंडर 32.5 स्वस्त झाला आहे. कोलकातामध्ये व्यावसायिक गॅस सिलिंडरच्या किमतीत 36.5 रुपयांची घट नोंदवण्यात आली आहे. चेन्नईमध्ये व्यावसायिक गॅस सिलिंडरच्या दरात 35.5 रुपयांची कपात करण्यात आली आहे. अशा परिस्थितीत सणांआधी ग्राहकांसाठी ही दिलासादायक बातमी आहे कारण यामुळे बाहेरचे खाणेपिणे स्वस्त होऊ शकते.
The price of a commercial LPG cylinder in Delhi reduced by Rs 25.5 with effect from today
— ANI (@ANI) October 1, 2022
19 किलो गॅस सिलिंडर इंडेनचे एलपीजी सिलिंडर 1 ऑक्टोबर 2022 पासून दिल्लीत 1859.50 रुपयांना उपलब्ध होईल. मुंबईत 1811.50 रुपये, कोलकात्यात 1959.00 रुपये आणि चेन्नईमध्ये हा गॅस सिलिंडर 2009.50 रुपयांना मिळणार आहे. विशेष म्हणजे सलग सहाव्या महिन्यात व्यावसायिक सिलिंडरचे दर कमी करण्यात आले आहेत. या घटानंतर रेस्टॉरंट, हॉटेल. डाबे इत्यादी ठिकाणी अन्न स्वस्त मिळू शकते. यापूर्वी सप्टेंबरमध्येही व्यावसायिक गॅस सिलिंडरच्या किमतीत 100 रुपयांपर्यंत कपात करण्यात आली होती.
दुसरीकडे, जर आपण 14.2 किलोग्रॅमच्या घरगुती सिलेंडरबद्दल बोललो, तर 6 जुलैपासून त्याच्या दरांमध्ये कोणताही बदल झालेला नाही. राजधानी दिल्लीत इंडेनच्या घरगुती गॅस सिलिंडरची किंमत 1,053 रुपये आहे. दुसरीकडे, जर आपण आर्थिक राजधानी मुंबईबद्दल बोललो तर, येथे घरगुती सिलिंडर 1,052 रुपये, कोलकात्यात 1,079 रुपये आणि चेन्नईमध्ये 1,068 रुपयांना उपलब्ध आहे.
गेल्या काही वर्षांपासून आंतरराष्ट्रीय बाजारपेठेत नैसर्गिक वायूच्या किमती सातत्याने वाढत आहेत. अशा परिस्थितीत, सरकारने घरगुती नैसर्गिक वायूच्या किमतीत 40% वाढ करण्याचा निर्णय घेतला आहे, जो 1 ऑक्टोबर 2022 पासून करण्यात आला आहे. नैसर्गिक वायूची किंमत 6.1 डॉलर प्रति एमएमबीटीयू वरून $8.57 प्रति एमएमबीटीयू करण्यात आली आहे. या वाढीनंतरही आज व्यावसायिक गॅस सिलिंडरच्या दरात कपात करण्यात आली आहे. यामुळे आगामी काळात देशातील महागाई कमी होण्याची अपेक्षा आहे. दुसरीकडे, आज जर आपण पेट्रोल आणि डिझेलच्या किंमतीबद्दल बोललो तर आज त्याच्या किंमतीत कोणताही बदल झालेला नाही. देशात सलग व्या दिवशी पेट्रोल आणि डिझेलचे दर स्थिर आहेत.
INSIDE मराठीचा व्हॉट्सअप ग्रुप जॉईन करण्यासाठी येथे क्लिक करा