T20 World Cup 2022: पहिल्या फेरीपासून सुपर-12 पर्यंत कोणता संघ कोणत्या गटात?, जाणून घ्या एका क्लिकवर

T20 World Cup 2022 Schedule: आता T20 विश्वचषक सुरु होण्यासाठी फक्त दोन आठवडे उरले आहेत. यामध्ये सहभागी होणारे सर्व 16 संघ आता त्यांच्या तयारीला अंतिम रूप देण्यात गुंतले आहेत. काही दिवसांत हे सर्व संघ ऑस्ट्रेलियात असतील. हे सर्व 16 संघ कसे गटात विभागले गेले आहेत आणि या विश्वचषक स्पर्धेचे स्वरूप कसे असेल याची माहिती आम्ही येथे घेऊन आलो आहोत…

पहिल्या फेरीत दोन गट: T20 विश्वचषक 16 ऑक्टोबरपासून सुरू होत आहे. या दिवसापासून पहिल्या फेरीचे सामने सुरू होतील. याला पात्रता फेरी देखील म्हणता येईल कारण या फेरीत फक्त तेच 8 संघ सहभागी होतील, जे विश्वचषकाच्या सुपर-12 मध्ये पात्र झाले नाहीत. या 8 संघांपैकी टॉप-4 संघ सुपर-12 फेरीत पोहोचतील.

अ गट: नेदरलँड्स, श्रीलंका, यूएई, नामिबिया
ब गट: आयर्लंड, वेस्ट इंडिज, स्कॉटलंड, झिम्बाब्वे

येथे प्रत्येक संघ त्यांच्या गटातील इतर तीन संघांसोबत प्रत्येकी एक सामना खेळेल. एकूण 12 सामने खेळवले जाणार आहेत. हे सर्व सामने 16 ते 21 ऑक्टोबर दरम्यान खेळवले जाणार आहेत. या सामन्यांनंतर, जे संघ दोन्ही गटात अव्वल दोन स्थानांवर असतील ते सुपर-12 फेरीत पोहोचतील.

सुपर-12 फेरीतही दोन गट असतील: सुपर-12 फेरीतही दोन गट आहेत. या दोन्ही गटात सध्या 4-4 संघ आहेत. या गटांमध्ये पहिल्या फेरीनंतर 2-2 संघ सामील होतील. अशा प्रकारे, प्रत्येक गटात 6-6 संघ असतील. येथे प्रत्येक संघ त्यांच्या गटातील इतर 5 संघांसोबत प्रत्येकी एक सामना खेळेल. म्हणजेच प्रत्येक संघाला 5-5 सामने खेळण्याची संधी मिळणार आहे. सर्व सामन्यांनंतर दोन्ही गटातील टॉप-4 संघ उपांत्य फेरीत प्रवेश करतील.

गट-1: इंग्लंड, न्यूझीलंड, ऑस्ट्रेलिया, अफगाणिस्तान, गट-अ विजेता, गट-ब उपविजेता
गट-2: भारत, पाकिस्तान, दक्षिण आफ्रिका, बांगलादेश, गट-अ उपविजेता, गट-ब विजेता

INSIDE मराठीचा व्हॉट्सअप ग्रुप जॉईन करण्यासाठी येथे क्लिक करा