क्रिकेट चाहत्यांसाठी वाईट बातमी; माजी क्रिकेटपटू सुनील गावस्कर यांच्यावर कोसळला दुःखाचा डोंगर
भारत आणि बांगलादेश यांच्यातील दोन सामन्यांच्या कसोटी मालिकेदरम्यान समालोचन करत असलेले माजी भारतीय फलंदाज सुनील गावस्कर यांच्यासाठी एक वाईट बातमी समोर आली आहे. त्यांच्या आईचे निधन झाले आहे. गावस्कर यांच्या आईची प्रकृती बऱ्याच दिवसांपासून बिघडत होती.भारत आणि बांगलादेश यांच्यात सुरू असलेल्या कसोटी मालिकेच्या समालोचनासाठी गावस्कर सध्या बांगलादेशमध्ये उपस्थित आहेत. गावसकर दीर्घकाळापासून प्रॉडक्शनमध्ये आहेत आणि सतत कॉमेंट्री करताना दिसतात. आपल्या खेळाच्या कारकिर्दीच्या समाप्तीपासून, गावस्कर सतत कॉमेंट्री करत आहेत. गावसकर यांचा मुलगा रोहन गावस्करची खेळण्याची कारकीर्द फारशी यशस्वी झाली नाही, पण आता तो कॉमेंट्रीमध्येही चांगली लोकप्रियता मिळवत आहे. रोहन मुख्यतः देशांतर्गत क्रिकेट सामन्यांमध्ये कॉमेंट्री करताना दिसतो.
सुनील गावस्कर यांच्या आई मीनल गावस्कर या 95 वर्षांच्या होत्या. मुंबईतच त्यांचे निधन झाले. मीडिया रिपोर्ट्सनुसार, गावस्कर यांच्या आईचे रविवारी सकाळी वृद्धापकाळाशी संबंधित आजारांमुळे निधन झाले. मात्र, भारत आणि बांगलादेश यांच्यातील दुसऱ्या कसोटी सामन्याच्या चौथ्या दिवशीही गावस्कर यांनी आपली समालोचन सुरू ठेवल्याने आपले कर्तव्य बजावले. मीनल गेल्या एक वर्षापासून आरोग्याच्या समस्यांशी झुंज देत होत्या. या वर्षाच्या सुरुवातीला आयपीएलदरम्यान त्याला रुग्णालयात दाखल करण्यात आले होते. आयपीएलसाठी कॉमेंट्री करणाऱ्या गावस्कर यांना आपल्या आजारी आईला पाहण्यासाठी बायो-बबलमधून बाहेर पडावे लागले. 73 वर्षीय गावस्कर हे भारताच्या महान फलंदाजांपैकी एक आहेत. त्यांची कारकीर्द 1971 ते 1987 अशी होती.
Sunil Gavaskar’s 95 yr old mother Minal passed away this morning in Bombay. Rest In Heaven Aai.
— Makarand Waingankar (@wmakarand) December 25, 2022
कसोटीत 10,000 धावा करणारे गावस्कर हे पहिले फलंदाज
73 वर्षीय गावस्कर यांनी भारतासाठी 125 कसोटीत 51.12 च्या सरासरीने 10122 धावा केल्या आहेत. कसोटी क्रिकेटमध्ये 10,000 किंवा त्याहून अधिक धावा करणारा तो जगातील पहिला फलंदाज ठरला. गावस्करने आपल्या कसोटी कारकिर्दीत 34 शतके झळकावली आहेत, ज्यामध्ये चार द्विशतकांमध्ये रूपांतरित झाले आहेत. याशिवाय त्याने 45 अर्धशतकेही केली आहेत. गावस्कर यांनी भारतासाठी 108 एकदिवसीय सामने देखील खेळले आहेत आणि 1983 च्या विश्वचषक विजेत्या संघाचा भाग होता. गावस्कर यांनी वनडेमध्ये 35.14 च्या सरासरीने 3092 धावा केल्या आहेत. यादरम्यान त्याने एक शतक आणि 27 अर्धशतके झळकावली आहेत.