लोणावळा – मुंबई-पुणे राष्ट्रीय महामार्गावर आज एक भीषण अपघात झाला. हा अपघात आज सकाळी शिलाटणे गावाजवळ झाला. कार व कंटेनर यांच्यात झाल्याने या अपघातात कारचा चेंदामेदा झाला असून पाच जणांचा मृत्यू झाला आहे.
कार आणि कंटेनर यांच्यात झालेल्या धडकेत कारचा पूर्ण चक्काचूर झाला. मुंबईहून पुण्याकडे भरधाव वेगाने जाणारी फोर्ड कार पुण्याहून मुंबईकडे येणाऱ्या कंटेनरला धडकली. अपघाताची माहिती मिळताच महाराष्ट्र सुरक्षा दल, आयआरबी पेट्रोलिंग, पोलीस आणि आजूबाजूचे गावकरी घटनास्थळी पोहोचले.
Five killed in an accident reported near Shilatne Phata on #Pune–#Mumbai Highway earlier today. #Maharashtra pic.twitter.com/3sO8wqk2aR
— Ali shaikh (@alishaikh3310) January 30, 2022
कंटेनरखाली दबलेली कार घटनास्थळी बाहेर काढण्यात आली. मात्र कारममध्ये असलेल्या पाचही जणांचा जागीच मृत्यू झाला. हा अपघात इतका भीषण होता की त्याचा अवाज जवळपासच्या गावांपर्यंत ऐकू आला. अपघातामुळे झालेल्या मोठ्या अवाजामुळे गावकरी तत्काळ घटनास्थळी पोहोचले तेव्हा त्यांना दिसले की गाडी कंटेनरखाली गेली होती आणि त्यातील सर्व लोक रक्ताच्या थारोळ्यात पडले होते.