उत्तराखंडमधील रुरकी येथून मोठी बातमी आली आहे, ज्यामध्ये खानपूरचे आमदार उमेश शर्मा यांच्या कार्यालयात गोळीबार आणि तोडफोडीची घटना समोर आली आहे. माजी आमदार कुंवर प्रणव सिंह चॅम्पियन हे त्यांच्या समर्थकांसह खानपूर आमदारांच्या कार्यालयात पोहोचले आणि त्यांनी अनेक राउंड गोळीबार केल्याचा आरोप आहे.
या घटनेचा व्हिडिओ सोशल मीडियावरही व्हायरल होत आहे. सध्याचे आमदार उमेश शर्मा आणि माजी आमदार कुंवर प्रणव सिंह चॅम्पियन यांच्यात सोशल मीडियावर शाब्दिक युद्ध सुरू असल्याचे बोलले जात आहे.
कल निकाय चुनाव में औंधे मुंह हारने के बाद आज मेरे सरकरी आवास पर भाजपा के पूर्व विधायक प्रणव सिंह चैंपियन ने हथियारबंद बदमाशों के साथ दर्जनों हथियारों से चलायी कई सौ राउंड गोलियां।@AmitShah जी @PMOIndia @narendramodi @JPNadda @aajtak @ZeeNews @ndtv @IndiaToday @AmarUjalaNews… pic.twitter.com/NW3faBbn5z
— Umesh Kumar (@Umeshnni) January 26, 2025
खानपूर येथील आमदार उमेश कुमार यांच्या घरावर गोळीबार करणाऱ्या माजी आमदार कुंवर चॅम्पियनला डेहराडून पोलिसांनी ताब्यात घेतले आहे. ताब्यात घेतल्यानंतर त्याला नेहरू कॉलनी पोलिस ठाण्यात आणण्यात आले.
या गोळीबाराचा व्हिडिओही व्हायरल होत आहे ज्यामध्ये तीन वाहनांमधून आलेल्या हल्लेखोरांनी खानपूरचे आमदार उमेश कुमार यांच्या कार्यालयावर अंदाधुंद गोळीबार केल्याचे दिसून येते. दिवसाढवळ्या झालेल्या या जलद गोळीबाराने संपूर्ण परिसर दणाणून गेला. संपूर्ण परिसरात पोलिसांचे पथक उपस्थित आहे. गोळीबारामुळे आमदार उमेश कुमार यांच्या घरात अनेक ठिकाणी गोळ्यांचे निशाण दिसत असून ही संपूर्ण घटना सीसीटीव्ही कॅमेऱ्यात कैद झाली आहे.