India vs Afghanistan: 2022 आशिया कपमध्ये आज भारत आणि अफगाणिस्तान यांच्यात सामना होत आहे. हा सामना संध्याकाळी 7.30 वाजता सुरू होणार आहे. मात्र, सामन्यापूर्वी दुबई स्टेडियममध्ये आग लागल्याची माहिती समोर आली आहे. सध्या आग आटोक्यात आणण्यात आली असली तरी त्यामुळे सामन्याचा नाणेफेक लांबण्याची शक्यता आहे.
भारत आणि अफगाणिस्तान हे दोन्ही संघ आशिया कपच्या अंतिम फेरीच्या शर्यतीतून बाहेर पडले आहेत, त्यामुळे त्यांच्यासाठी हा स्पर्धेतील शेवटचा सामना असेल. दोन्ही संघ आशिया चषक 2022 ला विजयासह अलविदा करण्याचा प्रयत्न करतील.
Getting to know about major fire outside Dubai stadium right now pic.twitter.com/ehqpv1rWls
— Vikrant Gupta (@vikrantgupta73) September 8, 2022
भारत आणि अफगाणिस्तान यांच्यात आतापर्यंत तीन टी-20 आंतरराष्ट्रीय सामने झाले आहेत. हे तिन्ही सामने भारताने जिंकले आहेत. सध्या टीम इंडियाही चांगल्या फॉर्ममध्ये आहे, मात्र शेवटच्या दोन्ही सामन्यात भारताला पराभव स्वीकारावा लागला आहे. टीम इंडियाचे सर्वाधिक लक्ष आता चांगली प्लेइंग-11 तसेच अचूक खेळ नियोजनावर असेल. या दोन गोष्टींबाबत टीम इंडियावर सर्वाधिक प्रश्न उपस्थित केले जात आहेत.
दुसरीकडे, अफगाणिस्तानही चांगल्या लयीत आहे पण त्यांनाही त्यांचे शेवटचे दोन सामने गमवावे लागले आहेत. अफगाणिस्तानकडे राशिद खान, मुजीब उर रहमान, फजल हक सारखे बलवान गोलंदाज आहेत, जे कमी धावसंख्येवर कोणत्याही संघाला रोखण्यास सक्षम आहेत. या संघात हजरतुल्ला झाझाई आणि रहमानउल्ला गुरबाजसारखे टी-20 स्पेशालिस्ट फलंदाज आहेत, जे मोठे फटके मारण्यास सक्षम आहेत.
टीम इंडियाची संभाव्य प्लेइंग इलेव्हन
रोहित शर्मा (कर्णधार), केएल राहुल, विराट कोहली, सूर्यकुमार यादव, हार्दिक पांड्या, दिनेश कार्तिक, आर अश्विन, भुवनेश्वर कुमार, अर्शदीप सिंग, युझवेंद्र चहल, दीपक चहर.
अफगाणिस्तानसाठी संभाव्य प्लेइंग इलेव्हन
हजरतुल्ला झाझाई, रहमानउल्ला गुरबाज, इब्राहिम जार्दन, नजीबुल्लाह जद्रान, करीम जनात, मोहम्मद नबी (कर्णधार), राशीद खान,अजमातुल्ला ओमरझाई, फरीद अहमद, मुजीब उर रहमान,फजलहक फारूकी.