मध्य प्रदेशातील दतिया येथे एका भीषण अपघाताची बातमी समोर येत आहे. येथे एक अनियंत्रित आयशर ट्रक नदीत कोसळल्याने ट्रकमधील 12 जणांचा मृत्यू झाला, तर 30 हून अधिक लोक जखमी झाले. ही घटना दतियाच्या दुरसाडा पोलीस ठाण्यांतील बुहारा गावातील आहे. हे सर्व लोक ट्रकमध्ये बसून लग्न समारंभात सहभागी होण्यासाठी जात असताना हा भीषण अपघात झाल्याचे सांगण्यात येत आहे.
चालकाच्या निष्काळजीपणामुळे अपघात
एसपी प्रदीप शर्मा म्हणाले, “दुरसाडा भागातील बुहारा गावाजवळ एक बांधकामाधीन पूल आहे, ग्वाल्हेरच्या बिल्हेटी गावातील एक कुटुंब लग्न समारंभात सहभागी होण्यासाठी त्यांच्या आयशर कारमधून टिकमगडला जात होते, त्यांच्या चालकाला पुलाची रुंदी समजली नाही. मार्ग वळवला.” त्यामुळे वाहन उलटले. अडकलेल्यांची सुटका करण्यात आली आहे. कुटुंबीयांची चौकशी सुरू आहे.”
घटनेनंतर घटनास्थळी बचावकार्य सुरू असून पोलीस आणि प्रशासनाचे अधिकारी घटनास्थळी पोहोचले आहेत. जखमींना रुग्णालयात दाखल करण्यात आले आहे. गृहमंत्री डॉ.नरोत्तम मिश्रा यांनी बचाव कार्याला गती देण्याच्या सूचना दिल्या आहेत. यासोबतच पीडितांच्या कुटुंबीयांना सर्वतोपरी मदत देण्याचे सांगण्यात आले आहे.