Suhagi Hills Road Accident in Rewa: मध्य प्रदेशातील रीवा येथे तीन वाहनांच्या धडकेने भीषण अपघात झाला आहे. या अपघातात 14 जणांचा मृत्यू झाला असून 40 हून अधिक जण जखमी झाले आहेत. उत्तर प्रदेश आणि मध्य प्रदेशच्या सीमेला जोडणाऱ्या राष्ट्रीय महामार्ग 30 (NH-30) वर हा अपघात झाला.मिळालेल्या माहितीनुसार, शुक्रवार-शनिवारी (21-22 ऑक्टोबर) मध्यरात्री हा अपघात झाला. हा अपघात झाला तेव्हा बस जबलपूरहून रीवामार्गे प्रयागराजला जात होती. माहिती मिळताच सोहागी पोलिसांनी घटनास्थळ गाठून बसमध्ये अडकलेल्या प्रवाशांना बाहेर काढले. जखमींना टुंथर सिव्हिल हॉस्पिटलमध्ये दाखल करण्यात आले आहे.
सुहागी टेकडीजवळ बस आणि ट्रॉली यांच्यात झालेल्या धडकेने हा अपघात झाल्याची माहिती रेवाचे पोलीस अधीक्षक नवनीत भसीन यांनी दिली. ते म्हणाले की, 40 जखमींपैकी 20 जणांना उत्तर प्रदेशातील प्रयागराज येथील रुग्णालयात दाखल करण्यात आले आहे. बस हैदराबादहून निघाली होती आणि गोरखपूरला पोहोचणार होती. बसमधील लोक यूपी, बिहार आणि नेपाळमधील रहिवासी होते. सुहागी टेकडीवरून उतरत असताना एका ट्रॉलीची समोरून जाणाऱ्या ट्रकला धडक बसली आणि त्यानंतर बस तिच्यावर धडकली. या अपघातात मृत्युमुखी पडलेल्या लोकांची नावे उत्तर प्रदेशातील बलरामपूर, गोंडा आणि गोरखपूर येथील आहेत. हेही वाचा – विशाखापट्टणममध्ये महिला क्रिकेट संघाची बस ट्रकला धडकली, खेळाडू आणि प्रशिक्षकासह 4 जण जखमी
Madhya Pradesh | 14 dead, 40 injured in a collision between a bus and trolley near Suhagi Hills in Rewa. The bus was going from Hyderabad to Gorakhpur. All people on the bus are reportedly residents of Uttar Pradesh. pic.twitter.com/cwN2MUCB7O
— ANI MP/CG/Rajasthan (@ANI_MP_CG_RJ) October 22, 2022
मिळालेल्या माहितीनुसार, बसमध्ये 100 हून अधिक लोक होते. सणासुदीला लोक आपापल्या घरी परतत होते. या अपघातात 3 जणांचा जागीच मृत्यू झाला तर 11 जणांचा रुग्णालयात उपचारादरम्यान मृत्यू झाला. मध्य प्रदेशचे मुख्यमंत्री शिवराज सिंह चौहान यांनी या दुर्घटनेवर शोक व्यक्त केला असून मृतांच्या कुटुंबियांप्रती शोक व्यक्त केला आहे.
अपघातानंतर बस आणि ट्रक घटनास्थळीच तर तिसरे वाहन फरार झाल्याचे सांगण्यात येत आहे. जवळच्या टोल प्लाझाच्या सीसीटीव्ही कॅमेऱ्यांच्या मदतीने तिसरे वाहन कोणत्या मार्गाने गेले याचा शोध घेण्याचा प्रयत्न पोलिस करत आहेत. अपघातात प्राण गमावलेले आणि जखमी झालेले लोक मजूर असल्याचे सांगण्यात येत आहे. सध्या प्रशासन मृत आणि जखमींच्या कुटुंबीयांशी संपर्क साधण्याचा प्रयत्न करत आहे.
उत्तर प्रदेश आणि बिहारच्या अधिकाऱ्यांना अपघाताची माहिती देण्यात आली आहे. मृतांची ओळख लवकरच समोर येईल. ब्रेक न लागल्याने हा अपघात झाल्याचे प्रत्यक्षदर्शींनी सांगितले. सध्या जखमींवर रुग्णालयात उपचार सुरू आहेत.