गुजरातमधील डांगमध्ये एक मोठी दुर्घटना घडली आहे. येथे प्रवाशांना घेऊन जाणारी बस खड्ड्यात पडली. या अपघातात दोन मुलांचा मृत्यू झाला तर अनेक जण जखमी झाल्याची माहिती आहे. मदत आणि बचाव पथक घटनास्थळी पोहोचले असून बचावकार्य सुरू केले आहे. मिळालेल्या माहितीनुसार, बसमध्ये एकूण 64 जण प्रवास करत होते.
मिळालेल्या माहितीनुसार, अपघाताची शिकार झालेली खासगी लक्झरी बस सापुताऱ्याहून जात होती. या बसमध्ये महिला आणि लहान मुलांसह एकूण 64 प्रवासी होते. ही बस प्रवाशांसह सुरतहून सापुताऱ्याला आली होती आणि नंतर सापुताऱ्याहून सुरतला परत जात होती, असे सांगण्यात येत आहे. परतत असताना सापुतारा मालेगम रोडवर बसचे नियंत्रण सुटले आणि खड्ड्यात पडली.
अपघातात 20 ते 25 जण जखमी
ताज्या माहितीनुसार या अपघातात दोन मुलांचा मृत्यू झाला असून 20 ते 25 जण जखमी झाले आहेत. जखमींपैकी पाच जणांची प्रकृती गंभीर असल्याचे सांगण्यात येत आहे. जखमींवर शामगव्हाण येथील प्राथमिक आरोग्य केंद्रात उपचार सुरू आहेत. या अपघातात एक मुलगा आणि एका मुलीचा मृत्यू झाला. त्याचे वय 8 ते 10 वर्षे असल्याचे सांगण्यात येत आहे. स्थानिक प्रशासन आणि अग्निशमन दल घटनास्थळी मदत आणि बचाव कार्य करत आहेत.