सिनेसृष्टीवर शोककळा; प्रसिद्ध अभिनेत्याचे हृदयविकाराच्या झटक्याने निधन

मनोरंजन
By Team Inside Marathi
WhatsApp Group

Daniel Balaji Passes Away: चित्रपटसृष्टीतून आणखी एक वाईट बातमी समोर येत आहे. साऊथ चित्रपटांचे प्रसिद्ध अभिनेते डॅनियल बालाजी यांचे निधन झाले. वयाच्या 48व्या वर्षी त्यांनी जगाचा निरोप घेतला. अभिनेत्याच्या मृत्यूचे कारण हृदयविकाराचा झटका असल्याचे सांगितले जात आहे. डॅनियल बालाजी यांनी अनेक  चित्रपटांमध्ये खलनायकाची भूमिका साकारून चाहत्यांची मने जिंकली होती. काखा काखा, पोल्लाधवन, वेट्टय्याडू विलायाडू आणि वडा चेन्नई यांसारख्या अनेक चित्रपटांमध्ये त्यांचा दमदार अभिनय पाहायला मिळाला. त्यांच्या आकस्मिक निधनाने चित्रपटसृष्टीत शोककळा पसरली आहे. या बातमीने त्याचे चाहतेही दु:खी झाले असून ते श्रद्धांजली वाहत आहेत.

रुग्णालयात मृत्यू झाला
मीडिया रिपोर्ट्सनुसार, दाक्षिणात्य अभिनेता डॅनियल बालाजी यांचे शुक्रवारी रात्री हृदयविकाराच्या झटक्याने निधन झाले. त्यांच्या निधनाची माहिती सोशल मीडियावर देण्यात आली आहे, ज्यामध्ये डॅनियल यांना छातीत दुखत होते, त्यामुळे त्यांना चेन्नईतील कोटिवाकम येथील रुग्णालयात दाखल करण्यात आले होते. मात्र, उपचारादरम्यान त्यांचा मृत्यू झाला. त्यांच्या निधनाने चाहत्यांना दु:ख झाले आहे.

सोशल मीडियावर माहिती देताना व्यापार विश्लेषक रमेश बाला यांनी लिहिले, ‘धक्कादायक! अभिनेता #DanielBalaji यांचे हृदयविकाराच्या झटक्याने निधन झाले.. ते 48 वर्षांचे होते. उत्तम अभिनेता.’ मिळालेल्या माहितीनुसार, डॅनियल बालाजी यांच्यावर 30 मार्च रोजी पुरसाईवलकम येथील त्यांच्या निवासस्थानी अंत्यसंस्कार करण्यात येणार आहेत. अभिनेत्याच्या निधनामुळे तमिळ चित्रपटसृष्टीत शोककळा पसरली आहे.

या चित्रपटांमध्ये केले आहे काम 
डॅनियल बालाजी वाडा चेन्नईमधील वेट्टय्याडू विलायाडू, थंबी या चित्रपटांमध्ये त्यांच्या उत्कृष्ट अभिनयासाठी ओळखले जात होते. ‘चिठ्ठी’ या प्रसिद्ध शोमधून त्याने आपल्या अभिनय कारकिर्दीला सुरुवात केली. यानंतर त्यांनी काखा काखा, पोल्लाधवन, वेट्टय्याडू विलायाडू आणि वडा चेन्नई या चित्रपटांमध्ये काम करून स्वत:ची वेगळी ओळख निर्माण केली. त्यांच्या आकस्मिक निधनाने कुटुंबावर दुःखाचा डोंगर कोसळला आहे.