फेसबुक, इंस्टाग्राम आणि व्हॉट्सअॅप चालवणारी दिग्गज सोशल मीडिया कंपनी मेटाने आता भारतात आपली पडताळणी सेवा सुरू केली आहे. कंपनीने या वर्षी फेब्रुवारीमध्ये ही सशुल्क सेवा सुरू केली होती. कंपनीने सांगितले की, भारतातील Android आणि iOS वापरकर्त्यांना व्हेरिफिकेशन बॅज म्हणजेच ब्लू टिकसाठी दरमहा 699 रुपये द्यावे लागतील.
याशिवाय Meta ने आपल्या निवेदनात अशी माहिती दिली आहे की येत्या काही महिन्यांत वेबवर 599 रुपये प्रति महिना दराने सत्यापित सेवा सुरू करण्याचा विचार आहे.
कंपनीने सांगितले की, ‘मेटा व्हेरिफाईड सेवा भारतात इंस्टाग्राम किंवा फेसबुकवर खरेदीसाठी उपलब्ध आहे. लोक ही सेवा iOS आणि Android वर 699 रुपये प्रति महिना दराने घेऊ शकतात. काही महिन्यांत, आम्ही 599 रुपये प्रति महिना दराने वेब आवृत्तीचा पर्याय देखील सादर करू.
सत्यापित खात्याच्या सेवेचा लाभ घेण्यासाठी, फेसबुक आणि इंस्टाग्राम वापरकर्त्यांना त्यांचे खाते सरकारी ओळखपत्राद्वारे सत्यापित करावे लागेल.
मेटा ने या वर्षी फेब्रुवारी महिन्यात आपली सशुल्क सबस्क्रिप्शन सेवा ‘Meta Verified’ लॉन्च करण्याची घोषणा केली होती. कंपनीने त्यावेळी ही सेवा फक्त अमेरिकेत उपलब्ध करून दिली होती. यानंतर 16 मार्च रोजी यूकेमध्ये आणि 31 मार्च रोजी कॅनडामध्ये उपलब्ध करण्यात आले. आता ताज्या अपडेटमध्ये अशी माहिती मिळाली आहे की ही सुविधा भारतीय वापरकर्त्यांसाठीही सुरू करण्यात आली आहे.
विशेष बाब म्हणजे पेड व्हेरिफाइड अकाउंटला कंपनीकडून अनेक विशेष सुविधांचा लाभ दिला जाणार आहे. यामुळे ग्राहकांचा अनुभव सुधारण्यास मदत होईल.