धाकडच्या सुपर फ्लॉपनंतर आता कंगना तिच्या नव्या चित्रपटातून धमाका करणार आहे. बॉलिवूड अभिनेत्री कंगना राणौतने तिच्या नवीन चित्रपटाची घोषणा केली आहे. आतापर्यंत तुम्ही सर्वांनी कंगनाला पडद्यावर राणी झाशी, थलैवी जयललिता यांची सशक्त भूमिका साकारताना पाहिलं असेल. ही व्यक्तिरेखा साकारल्यानंतर कंगना राणौतने पुन्हा एकदा तिच्या चाहत्यांना आश्चर्याचा धक्का दिला आहे. कंगना राणौत आता माजी पंतप्रधान इंदिरा गांधी यांची भूमिका साकारणार आहे, जी देशातील सर्वात शक्तिशाली महिला होती. चित्रपटाचे नाव इमर्जन्सी असे आहे.
या चित्रपटाचे शूटिंग कंगना राणौतने सुरू केले आहे. यासोबतच कंगनाने चाहत्यांना ट्रीट देत चित्रपटातील तिचा फर्स्ट लूक समोर आणला आहे. आपण पाहू शकता की चित्रपटाचा एक टीझर व्हिडिओ देखील शेअर करण्यात आला आहे ज्यात कंगना राणौतचा इंदिरा गांधीच्या रूपात फर्स्ट लूक आहे. या टीझरमध्ये इंदिरा गांधी बनलेली कंगना राणौत अमेरिकेच्या राष्ट्राध्यक्षांना आपल्या ऑफिसमध्ये मॅडम नव्हे तर ‘सर’ म्हणतात असा संदेश देण्यास सांगते. दुसरीकडे, कंगनाच्या लूकबद्दल बोलायचे झाले तर, एक्सप्रेशन्सपासून तिच्या आवाजापर्यंत इंदिरा गांधींशी बरोबरी साधण्याचा खूप प्रयत्न करण्यात आला आहे.
View this post on Instagram
कंगना राणौतने इंदिरा गांधींची भूमिका चोखपणे साकारली आहे हे मान्य करावेच लागेल. ज्याने तिचा प्रोस्थेटिक मेकअप केला आहे त्याने कंगना राणौत इंदिरा गांधींसारखी दिसण्यासाठी खूप मेहनत घेतली आहे. शेवटी निकाल तुमच्या समोर आहे. कंगना रणौत हुबेहुब इंदिरा गांधींसारखी दिसते आणि कंगनाच्या लूकवर खूप बारकाईने काम करण्यात आले आहे.