सक्तवसुली संचलनालयाच्या (ईडी) अधिकाऱ्यांकडून मोठी कारवाई करण्यात आली आहे. झारखंडचे मुख्यमंत्री हेमंत सोरेन यांचे निकटवर्तीय हेमंत सोरेन यांची निकटवर्तीय पंकज मिश्रा यांच्याशी संबंधित मालमत्तांवर सक्तवसुली संचलनालयाच्या (ईडी) अधिकाऱ्यांनी छापे टाकले. पंकज मिश्रा आणि त्यांच्याशी संबंधित काही जणांच्या मालमत्तांवर ईडीनं धाडी टाकल्या.
खाण घोटाळा प्रकरणात ही कारवाई करण्यात आल्याची माहिती समोर आली आहे. तसेच मिश्रा यांचे निकटवर्तीय असलेल्या हिरा भगत यांच्या घरावरदेखील छापा टाकण्यात आला आहे. भगत यांच्या घरात ईडीला घबाड सापडलं. बराच वेळ पैशांची मोजदाद सुरू होती. ईडीने हस्तगत केलेल्या नोटांचा फोटो सोशल मीडियावर व्हायरल झाला आहे. ईडीने एकूण पाच कोटींची रोख रक्कम जप्त केल्याची माहिती मिळत आहे.