कोल्हापुरात बुधवारी भूकंपाचे धक्के जाणवले. रिश्टर स्केलवर भूकंपाची तीव्रता 3.4 इतकी होती. नॅशनल सेंटर फॉर सिस्मॉलॉजीने ही माहिती दिली. NCS ने सांगितले की भारतीय प्रमाणवेळेनुसार (IST) 06:45:05 वाजता भूकंपाचे धक्के जाणवले. भूकंप 5 किमी खोलीवर झाला. या भूकंपात आतापर्यंत कोणतीही जीवित किंवा वित्तहानी झाल्याचे वृत्त नाही.
नॅशनल सेंटर फॉर सिस्मॉलॉजीने सांगितले की यापूर्वी, 11 ऑगस्ट रोजी 4.3 रिश्टर तीव्रतेचा भूकंप पोर्ट ब्लेअर, अंदमान आणि निकोबार बेटांच्या 112 किमी SSE ला धडकला होता. भारतीय प्रमाणवेळेनुसार (IST) 02:56:12 वाजता भूकंपाचे धक्के जाणवले. एनसीएसनुसार, भूकंपाची खोली 10 किमी होती.
#Maharashtra: Earthquake of magnitude 3.4 hits Kolhapur at 06:45:05 IST, Depth: 5 Km@NCS_Earthquake pic.twitter.com/nO8yVIbUhh
— DD News (@DDNewslive) August 16, 2023
केवळ भारतातच नाही तर जगातील अनेक देशांमध्ये अलिकडच्या काळात भूकंपाचे धक्के जाणवले आहेत. नॅशनल सेंटर फॉर सिस्मॉलॉजी (NCS) च्या मते, बुधवारी ताजिकिस्तानमध्येही भूकंपाचे धक्के जाणवले. रिअॅक्टर स्केलवर या भूकंपाची तीव्रता 4.2 मोजण्यात आली. या भूकंपाची नोंद पहाटे 2:56 वाजता 37.72 अक्षांश आणि 72.12 रेखांशावर झाली. एनसीएसनुसार या भूकंपाची खोली 95किमी होती. एनसीएसने ट्विटमध्ये सांगितले की, यापूर्वी मे महिन्यातही ताजिकिस्तानमध्ये 4.3 तीव्रतेचा भूकंप झाला होता. या भूकंपाची खोली 50 किमी इतकी नोंदवण्यात आली आहे.
या वर्षी आतापर्यंतचा सर्वात धोकादायक भूकंप तुर्की आणि सीरियामध्ये झाला
तुर्कस्तान आणि सीरियामध्ये या वर्षी आतापर्यंतचा सर्वात धोकादायक भूकंप झाला. 6 फेब्रुवारीला सकाळी हा भूकंप झाला. ज्यामध्ये 50 हजारांहून अधिक लोकांना आपला जीव गमवावा लागला आणि हजारो लोक जखमी झाले. या भूकंपामुळे अनेक हजार कोटी आणि शेकडो हजारांचे आर्थिक नुकसानही झाले. इमारती कोसळल्या. या भूकंपानंतर दोन्ही देशांमध्ये 12 लाखांहून अधिक लोक बेघर झाले होते.
हेही वाचा – मोठी दुर्घटना; इमारतीची बाल्कनी कोसळली, 5 जणांचा मृत्यू