लैंगिक संबंध हे फक्त शारीरिक सुखापुरते मर्यादित नसून, ते मानसिक आणि शारीरिक आरोग्याच्या दृष्टीनेही अत्यंत आवश्यक मानले जातात. विविध संशोधनांमध्ये हे स्पष्ट झाले आहे की, नियमित लैंगिक कृतीमुळे हृदयाचे आरोग्य सुधारते, तणाव कमी होतो आणि एकूणच आरोग्यावर सकारात्मक परिणाम होतो. मात्र, दीर्घकाळ सेक्स न केल्यास शरीरावर आणि मनावर अनेक नकारात्मक परिणाम होण्याची शक्यता तज्ज्ञांनी व्यक्त केली आहे.
लिंगाच्या आरोग्यावर होणारे परिणाम
-
इरेक्टाइल डिसफंक्शनचा धोका: नियमित लैंगिक संबंध नसल्यास लिंगामध्ये रक्तप्रवाह कमी होतो, ज्यामुळे कठीणपणा (इरेक्शन) येण्यात अडचणी येतात. दीर्घकाळ अशा स्थितीमध्ये राहिल्यास इरेक्टाइल डिसफंक्शन होण्याची शक्यता वाढते.
-
शुक्राणूंची गुणवत्ता घटते: संभोग किंवा हस्तमैथुनाची दीर्घ अनुपस्थिती शुक्राणूंच्या चयापचय प्रक्रियेला बाधा आणू शकते. यामुळे वीर्याची गुणवत्ता आणि गतिशीलता कमी होऊ शकते.
-
लिंग स्नायू कमजोर होणे: इतर स्नायूप्रमाणे लिंगातील स्नायूंनाही नियमित व्यायामाची गरज असते. संभोगाच्या अभावामुळे हे स्नायू निष्क्रिय होत जातात.
हृदयाच्या आरोग्यावर होणारे दुष्परिणाम
-
हृदयविकाराचा धोका वाढतो: लैंगिक क्रिया ही एक प्रकारची शारीरिक हालचाल असल्याने ती हृदयासाठी उपयुक्त ठरते. मात्र, ती बंद झाल्यास हृदयाच्या कार्यक्षमतेवर परिणाम होऊ शकतो.
-
रक्तदाब असंतुलित होतो: सेक्समुळे शरीरात ऑक्सिटोसिन आणि एंडॉर्फिन हे नैसर्गिक हार्मोन्स तयार होतात. हे हार्मोन्स तणाव कमी करतात. त्यांचा अभाव असल्यास रक्तदाब वाढण्याची शक्यता असते.
मानसिक आणि भावनिक परिणाम
-
नैराश्य वाढण्याची शक्यता: मेंदूतील डोपामिन आणि ऑक्सिटोसिन हे आनंददायक हार्मोन्स सेक्स दरम्यान सक्रिय होतात. यांची निर्मिती थांबली तर नैराश्य आणि तणाव जाणवू शकतो.
-
आत्मविश्वास घटतो: लैंगिक समाधान नसल्यास व्यक्तीचा आत्मविश्वास डळमळीत होतो, ज्याचा परिणाम सामाजिक आणि वैयक्तिक जीवनावर होतो.
-
एकाकीपणाची भावना वाढते: शारीरिक जवळीक नसल्यास भावनिक दुरावा निर्माण होतो. यामुळे नातेसंबंधांमध्ये अंतर वाढते.
रोगप्रतिकारशक्तीवर परिणाम
-
इम्युनिटी कमी होणे: लैंगिक संबंधदरम्यान शरीरात अँटीबॉडीज तयार होतात, जे संसर्गापासून बचाव करतात. नियमित संबंध नसल्यास प्रतिकारशक्ती घटते.
-
वजन वाढण्याची शक्यता: लैंगिक क्रिया ही एक प्रकारचा व्यायाम आहे. ती न झाल्यास मेटाबॉलिझम कमी होतो आणि त्यामुळे वजन वाढण्याची शक्यता असते.
नातेसंबंधांवर होणारे परिणाम
-
जोडीदाराशी अंतर: शारीरिक जवळीक आणि प्रेमाचा अभाव असल्यास नात्यात ताण निर्माण होतो.
-
संवादात अडथळा: लैंगिक समाधान नसल्यास जोडप्यांमध्ये संवाद कमी होतो आणि गैरसमज वाढू शकतात.
यावर उपाय काय?
-
नियमित व्यायाम करा: यामुळे शारीरिक क्षमता आणि लैंगिक क्रिया सुधारते.
-
तणावमुक्त राहा: योग, ध्यान, आणि चांगली झोप यामुळे मानसिक संतुलन राखता येते.
-
मोकळेपणाने बोला: जोडीदाराशी संवाद साधून नात्यांतील अंतर कमी करा.
-
संतुलित आहार घ्या: झिंक आणि प्रथिनयुक्त आहार लैंगिक आरोग्यासाठी फायदेशीर आहे.
लैंगिक संबंधांचा अभाव हा केवळ शारीरिक नाहकता नव्हे, तर मानसिक, सामाजिक आणि वैवाहिक आरोग्यासाठीही घातक ठरू शकतो. त्यामुळे, नियमित लैंगिक संबंध ही केवळ इच्छा नसून, आरोग्यदायी जीवनशैलीचा एक महत्त्वाचा भाग असल्याचे मानले जाते.