महेंद्रसिंग धोनीच्या चेन्नई सुपर किंग्ज (CSK) ने 20 मे रोजी दिल्ली कॅपिटल्सचा (DC) 77 धावांनी पराभव केला. अशा प्रकारे चेन्नईने आयपीएलच्या प्लेऑफमध्ये स्थान मिळवले आहे. जिथे मंगळवारी त्याचा सामना हार्दिक पांड्याच्या गुजरात टायटन्सशी होणार आहे. दिल्ली कॅपिटल्सविरुद्धच्या सामन्यानंतर महेंद्रसिंग आणि रवींद्र जडेजा यांच्यातील भांडणाचा व्हिडिओ समोर आला आहे.
व्हिडीओमध्ये दोघांमध्ये कशावरून तरी वादावादी झाल्याचे दिसते. ही घटना 20 मे रोजी चेन्नई विरुद्धच्या सामन्यानंतरची आहे. सामना संपल्यानंतर सर्व खेळाडू परतत असताना ही घटना घडली.
मात्र, या दोन्ही खेळाडूंमध्ये वाद कशामुळे झाला याची माहिती समोर आलेली नाही. सोशल मीडियावर अनेक व्हिडिओ व्हायरल झाले आहेत. व्हिडीओमध्ये जडेजा नाराज दिसत आहे. तर कॅप्टन कूल धोनी त्याला काहीतरी समजावण्याचा प्रयत्न करत आहे. यादरम्यान धोनीही जडेजाच्या खांद्यावर हात ठेवतो. यानंतर दोघांमधील संभाषण सुरू होतं. या सामन्यात जडेजाची गोलंदाजी चांगली नव्हती आणि त्याने 4 षटकात 50 धावा दिल्या. जडेजाला एकच विकेट मिळाली.
आयपीएलच्या शेवटच्या हंगामात जडेजाने चेन्नईचे कर्णधारपद सांभाळले होते. जिथे चेन्नईने सुरुवातीला 8 पैकी फक्त दोनच सामने जिंकले. अशा परिस्थितीत जडेजाला कर्णधारपदावरून हटवून एमएस धोनीकडे पुन्हा नेतृत्वाची कमान सोपवण्यात आली. असे असतानाही चेन्नईचा संघ आयपीएलच्या प्लेऑफमध्ये पोहोचू शकला नाही.
आयपीएलच्या 14 हंगामांच्या इतिहासात चेन्नईने 12 वेळा प्लेऑफ सामन्यात प्रवेश केला आहे. चेन्नईने या आयपीएलमधील 14 पैकी 8 सामने जिंकले, तर 5 सामन्यात पराभव पत्करावा लागला. लखनौविरुद्ध खेळला जाणारा आयपीएल सामना पावसामुळे रद्द झाला. त्यामुळे दोन्ही संघांना प्रत्येकी एक गुण शेअर करावा लागला.