दिल्ली कॅपिटल्सला delhi capitals कोरोनाचा फटका बसला आहे. दिल्लीचा अष्टपैलू खेळाडू मिचेल मार्शचा कोरोना अहवाल पॉझिटिव्ह आला आहे Mitchell Marsh Covid positive. मिचेल मार्शसह दिल्लीच्या हॉटेल स्टाफमधील ३ सदस्य, आणि एक डॉक्टर आणि सोशल मीडिया टीमचे सदस्य कोरोना पॉझिटिव्ह आले आहेत. त्यामुळे दिल्ली कॅपिटल्सच्या संघाने १८ एप्रिल रोजी पुण्याला होणारा नियोजित दौरा रद्द केला आहे. इतकेच नाही तर दिल्ली कॅपिटल्सच्या संपूर्ण संघाला क्वारंटाईन करण्यात आले आहे.
OFFICIAL STATEMENT:
Delhi Capitals all-rounder Mitchell Marsh has tested positive for COVID-19, following which he has been admitted to a hospital. The Delhi Capitals medical team is closely monitoring Marsh’s condition. pic.twitter.com/lvatopJtcV
— Delhi Capitals (@DelhiCapitals) April 18, 2022
आता १८ आणि १९ एप्रिल रोजी दिल्ली कॅपिटल्सच्या खेळाडूंच्या कोविड-१९ चाचण्या घेतल्या जातील. इंडियन प्रीमियर लीग (IPL) २०२२ मध्ये दिल्ली कॅपिटल्सचा पुढील सामना २० एप्रिल रोजी पुण्यातील महाराष्ट्र क्रिकेट असोसिएशन स्टेडियमवर पंजाब किंग्ज विरुद्ध होणार आहे. आयपीएल २०२२ च्या गुणतालिकेत दिल्ली कॅपिटल्स सध्या आठव्या स्थानावर आहे. दिल्लीच्या संघातील अनेक सदस्य कोरोनाग्रस्त आढलळ्यामुळे पंजाब किंग्ज विरुद्धच्या सामन्याबाबत प्रश्नचिन्ह उपस्थित केला जात आहे.