डोंबिवली : डोंबिवलीमधून एक धक्कादायक घटना समोर आली आहे. डोंबिवलीत एका महिलेचा मृतदेह चक्क सोफासेटमध्ये सापडला आहे या घटनेमुळे आता एकच खळबळ उडाली आहे Deadbody found in sofaset in Dombivli. डोंबिवलीमधील दावडी येथील शिवशक्ती नगर परिसरातून ही धक्कादायक घटना समोर आली आहे.
या महिलेचा गळा दाबून तिची हत्या करण्यात आली आहे असा संशय व्यक्त केला जातो आहे. या महिलेच्या मृत्यूमागे नेमका कोणाचा हात आहे, याचे गूढ उकलण्याचे सध्या पोलिसांसमोर मोठे आव्हान आहे. सुप्रिया किशोर शिंदे असं या मृत महिलेचं नाव आहे.
सुप्रिया ही घरी एकटीच असताना हा सर्व प्रकार तिच्यासोबत घडला आहे. याप्रकरणाची माहिती समोर आल्यानंतर पोलिसांनी घटनास्थळी धाव घेत संपूर्ण तपास सुरु केला आहे. प्राथमिक तपासामधून समोर आलेल्या माहितीनुसार या महिलेची हत्या करण्यात आली असल्याचचे समोर आले आहे.