पुण्यातील भीमा नदीतून एकापाठोपाठ एक 7 मृतदेह सापडले आहेत. यामुळे संपूर्ण परिसरात खळबळ उडाली आहे. आतापर्यंतच्या तपासात हे सर्व मृत एकाच कुटुंबातील असल्याचे निष्पन्न झाले आहे. पोलिसांनी अद्याप कोणताही खुलासा केलेला नाही. पोलिसांनी दिलेल्या माहितीनुसार, या प्रकरणाचा सध्या अपघात म्हणून तपास सुरू आहे.
महिलेचा मृतदेह नदीत तरंगताना मच्छिमारांनी पाहिला
पोलिसांनी दिलेल्या माहितीनुसार, ही घटना पारगाव भागातील आहे. येथे 24 जानेवारी रोजी भीमा नदीत तीन मृतदेह आढळून आले होते. यापूर्वी 18 ते 21 जानेवारी दरम्यान येथे चार मृतदेह सापडले होते. सर्वप्रथम बुधवारी मच्छिमारांना एका महिलेचा मृतदेह नदीत तरंगताना दिसला. त्यानंतर शोध मोहीम हाती घेण्यात आली.
Maharashtra | Bodies of 7 members of a family fished out from Bhima river in Daund, Pune – 4 bodies recovered b/w 18-21 Jan & 3 others found today. Prima facie it’s a suicide, however, police are investigating from all angles. Accidental Death Report registered: Pune Rural Police pic.twitter.com/0XybFLetm4
— ANI (@ANI) January 24, 2023
तपास मोहीम सुरू आहे
सूत्रांनी दिलेल्या माहितीनुसार मृतांमध्ये एक महिला आणि दोन पुरुषांचा समावेश आहे. मृतांचे वय 40 ते 50 वर्षे दरम्यान आहे. सात दिवसांपासून सातत्याने मृतदेह मिळत असल्याने नागरी यंत्रणा अडचणीत सापडल्या आहेत. नदीपात्रात तपास मोहीम सुरू आहे. आतापर्यंतच्या तपासात सर्वांचा बुडून मृत्यू झाल्याचे समोर आले आहे. एका महिलेकडून दुकानाची पावती मिळाली आहे. त्यामुळे त्यांच्या कुटुंबीयांचा शोध घेतला जात आहे.
लहान मुले वगळता 4 जणांचे पोस्टमार्टम करण्यात आले आहे. शरीरावर बाह्य जखमांच्या खुणा नाहीत. शवविच्छेदनात बुडून मृत्यू झाल्याची बाब स्पष्ट झाली आहे.
Inside मराठीचा व्हॉट्सअप ग्रूप जॉईन करण्यासाठी येथे क्लिक करा