“तुम्ही T20 विश्वचषक ट्रॉफी जिंकावी, अशी माझी इच्छा आहे”,डिव्हिलियर्सकडून कोहलीला वाढदिवसाच्या खास शुभेच्छा

Ab De villiers: भारतीय संघासाठी सध्याच्या काळातील सर्वोत्कृष्ट फलंदाज विराट कोहली आज 5 नोव्हेंबर रोजी आपला 34 वा वाढदिवस साजरा करत आहे. कोहलीच्या वाढदिवसानिमित्त केवळ भारतीयच नाही तर परदेशी खेळाडूंनीही सोशल मीडियावर त्याला शुभेच्छा दिल्या आहेत. त्याच्या खास मित्रानेही आज कोहलीला वाढदिवसाच्या शुभेच्छा दिल्या आहेत.

आयपीएलमध्ये आरसीबीकडून खेळणाऱ्या विराट कोहलीला त्याचा सहकारी खेळाडू आणि खास मित्र एबी डिव्हिलियर्सने सोशल मीडियावर खास संदेश पाठवून वाढदिवसाच्या शुभेच्छा दिल्या आहेत. एबी डिव्हिलियर्सबद्दल बोलायचे झाले तर तो सध्या बंगळुरूमध्ये आहे. आयपीएलच्या आगामी हंगामात आरसीबीला सपोर्ट करण्यासाठी तो आधीच बेंगळुरूला पोहोचला आहे.

“नमस्कार प्रिय बिस्किट, सध्या मी बंगलोरमध्ये आहे. मी इथे बसून तुला वाढदिवसाच्या शुभेच्छा देत आहे. मला आशा आहे की तुझा  दिवस चांगला जावो. तु सर्वोत्तम खेळाडू आहेस त्यापेक्षा तुम्ही खूप चांगला व्यक्ती आहेस. तुझ्या मैत्रीबद्दल आणि एक उत्तम सहकारी असल्याबद्दल धन्यवाद. T20 विश्वचषकासाठी मी तुम्हा सर्वांना खूप खूप शुभेच्छा देतो. भारतीय संघाने चांगली कामगिरी करावी अशी माझी इच्छा आहे आणि अंतिम फेरीत भारताचा सामना दक्षिण आफ्रिकेशी होईल. हे खूप मनोरंजक असेल.”

Dear @imVkohli,

Here is a very special wish from a very special friend. 🥳🥹#PlayBold #HappyBirthdayViratKohli @abdevilliers17 pic.twitter.com/UT7wEdnde2

— Royal Challengers Bangalore (@RCBTweets) November 5, 2022

दक्षिण आफ्रिकेचा सर्वोत्कृष्ट खेळाडू आणि मिस्टर 360 एबी डिव्हिलियर्स हा आरसीबी संघासाठी खूप महत्त्वाचा खेळाडू आहे. अनेक वर्षांपासून कोहली आणि डिव्हिलियर्स यांनी मिळून शानदार भागीदारीच्या जोरावर संघाला सामन्यांमध्ये विजय मिळवून दिला आहे.डिव्हिलियर्सने 19 नोव्हेंबर 2021 रोजी अचानक सर्व प्रकारच्या क्रिकेटमधून निवृत्तीची घोषणा करून सर्वांना आश्चर्यचकित केले आणि तेव्हापासून तो आयपीएल खेळत नाही. रिपोर्ट्सनुसार, तो IPL 2023 मध्ये टीमसोबत मोठ्या भूमिकेत दिसणार आहे.