DC vs CSK IPL 2024 : दिल्लीचा विजय! धोनीने शक्य तेवढे प्रयत्न केले पण चेन्नई हरली

0
WhatsApp Group

Delhi Capitals vs Chennai Super Kings: इंडियन प्रीमियर लीग 2024 (IPL 2024) च्या 13व्या सामन्यात दिल्ली कॅपिटल्सचा (Delhi Capitals) सामना चेन्नई सुपर किंग्जशी (Chennai Super Kings) झाला. विशाखापट्टणम येथे झालेल्या या सामन्यात दिल्ली कॅपिटल्सने चेन्नई सुपर किंग्जचा 20 धावांनी पराभव केला. दिल्लीने नाणेफेक जिंकून प्रथम फलंदाजी करण्याचा निर्णय घेतला. प्रथम फलंदाजी करताना दिल्लीने 20 षटकांत 5 गडी गमावून 191 धावा केल्या. डेव्हिड वॉर्नर (52) आणि ऋषभ पंत (51) यांनी अर्धशतके झळकावली. प्रत्युत्तरात चेन्नई सुपर किंग्जला निर्धारित षटकांत 6 गडी गमावून केवळ 171 धावा करता आल्या. महेंद्रसिंग धोनीने तूफान फटकेबाजी केली मात्र संघाला विजय मिळवून देता आला नाही. तो 16 चेंडूत 37 धावा करत नाबाद राहिला.

चेन्नईची सुरुवात खराब झाली
192 धावांच्या लक्ष्याचा पाठलाग करताना चेन्नई सुपर किंग्जची सुरुवात खराब झाली. कर्णधार रुतुराज गायकवाडने पहिल्याच षटकात आपली विकेट गमावली. त्याने 2 चेंडूंचा सामना करत 1 धाव काढली. खलील अहमदच्या चेंडूवर ऋषभ पंतने रुतुराजला झेलबाद केले. चेन्नईला 7 च्या स्कोअरवर दुसरा धक्का बसला. रचिन रवींद्रची शिकार करून खलील अहमदने सीएसकेला बॅकफूटवर ढकलले. रचिनने 12 चेंडूंचा सामना करत 2 धावा केल्या.

रहाणेने डाव सांभाळला
यानंतर अजिंक्य रहाणेने डॅरिल मिशेलच्या साथीने डाव सांभाळला. दोघांनी तिसऱ्या विकेटसाठी 68 धावा जोडल्या. अक्षर पटेलने ही भागीदारी तोडली. धोकादायक ठरत असलेल्या मिशेलला त्याने झेलबाद केले. मिचेलने 26 चेंडूत 34 धावांची खेळी खेळली. यादरम्यान त्याने 1 चौकार आणि 2 षटकार मारले. अजिंक्य रहाणे आणि शिवम दुबे यांच्यात चौथ्या विकेटसाठी 27 धावांची भागीदारी झाली. मुकेश कुमारने 14व्या षटकात रहाणेची शिकार केली.राहाणेने 30 चेंडूत 45 धावा केल्या. यादरम्यान त्याने आपल्या बॅटमधून 5 चौकार आणि 2 षटकार मारले.

रहाणे बाहेर पडताच फलंदाजीसाठी आलेला समीर रिझवी गोल्डन डकचा बळी ठरला. मुकेशने आपल्या संघाला 5 वे यश मिळवून दिले. 17व्या षटकाच्या पहिल्या चेंडूवर शिवम दुबे झेलबाद झाला. त्याने 17 चेंडूत 18 धावा केल्या. यानंतर महेंद्रसिंग धोनी फलंदाजीसाठी मैदानात आला.

दिल्लीने 191 धावा केल्या
नाणेफेक जिंकून प्रथम फलंदाजी करताना दिल्ली कॅपिटल्सने 5 विकेट गमावून 191 धावा केल्या. डेव्हिड वॉर्नरने सर्वाधिक 52 धावांची खेळी खेळली. त्याच्याशिवाय कर्णधार ऋषभ पंतने 32 चेंडूत 51 धावा केल्या. पृथ्वी शॉचे अर्धशतक हुकले. शॉने 27 चेंडूत 43 धावांची शानदार खेळी खेळली. मिचेल मार्शने 12 चेंडूत 18 धावा केल्या. चेन्नईसाठी मथिशा पाथिरानाने 3 यश मिळवले. त्यांच्याशिवाय रवींद्र जडेजा आणि मुस्तफिजुर रहमानने प्रत्येकी 1 बळी घेतला.

पश्चिम बंगालमध्ये वादळाचा मोठा तडाखा, 4 जणांचा मृत्यू, 100 जखमी