मुंबईत 2 जानेवारीपर्यंत जमावबंदी लागू करण्यात आली आहे. शहरात शांतता नांदावी आणि सार्वजनिक सुव्यवस्था बिघडू नये यासाठी हा निर्णय घेण्यात आला आहे. मुंबई पोलिसांनी शहरातील कर्फ्यूबाबत लोकांसाठी मार्गदर्शक सूचनाही जारी केल्या आहेत. 2 जानेवारीपर्यंत लोकांना एका ठिकाणी जमता येणार नाही. याशिवाय 5 पेक्षा जास्त जण एकत्र दिसल्यास कारवाई केली जाईल. मुंबईत कर्फ्यूच्या काळात सार्वजनिक ठिकाणी विशेष दक्षता ठेवण्यात येणार असल्याचे पोलिसांनी सांगितले. कोणत्याही प्रकारची निदर्शने, घोषणाबाजी आणि सभांना मनाई आहे. याशिवाय 4 डिसेंबर ते 2 जानेवारीपर्यंत शस्त्रांवरही बंदी घालण्यात आली आहे.
मुंबई पोलिसांच्या मिशन विभागाचे उपायुक्त विशाल ठाकूर यांनी परिपत्रक जारी करून कर्फ्यूचे काटेकोरपणे पालन करण्याचे आदेश दिले आहेत. ते म्हणाले की, 2 जानेवारीपर्यंत शहरात कोणत्याही प्रकारचे मेळावे, मिरवणूक, निदर्शने करण्यास बंदी आहे. याशिवाय लोकांना लाऊडस्पीकरही वाजवता येणार नाहीत. नियम मोडल्यास पोलिस कायदेशीर कारवाई करतील.
नेमकी कशावर असेल बंदी?
- सार्वजनिक मनोरंजनाच्या ठिकाणांभोवती मोठ्या प्रमाणात सामाजिक मेळावे घेण्यास मनाई आहे.
- फटाके फोडणे, लाऊडस्पीकर वाजवणे, वाद्ये व बँड वाजवणे
- सार्वजनिक ठिकाणी घोषणाबाजी, निदर्शने करण्यास बंदी.
- मोठ्या आवाजात गाणी वाजवण्यास बंदी घालण्यात आली आहे.
- विवाह समारंभ, अंत्यसंस्कार, कंपन्या, क्लब, सहकारी संस्था आणि अशा इतर संघटनांच्या सामूहिक सभांना मनाई.
सर्व प्रकारच्या मिरवणुकांवर बंदी. - सरकारी कार्यालये, न्यायालये आणि सरकारी किंवा निमशासकीय काम करणार्या स्थानिक स्वराज्य संस्थांच्या आसपास 5 किंवा अधिक लोकांच्या एकत्र येण्यास बंदी आहे.
- शैक्षणिक उपक्रम किंवा सामान्य व्यवसायासाठी शाळा, महाविद्यालये आणि इतर संस्थांच्या मोठ्या मेळाव्यास प्रतिबंध.