CSA T20 League: IPL फ्रँचायझींनी विकत घेतले सर्व संघ! Graeme Smithची लीगचे आयुक्त म्हणून नियुक्ती

खेळविश्व
By Team Inside Marathi
WhatsApp Group

CSA T20 League: दक्षिण आफ्रिका क्रिकेट बोर्डाने माजी कर्णधार ग्रॅमी स्मिथची आगामी स्थानिक T20 लीगसाठी लीगचे आयुक्त म्हणून नियुक्ती केली आहे. बोर्डाने त्याची अधिकृत घोषणाही केली आहे. या लीगचे सर्व संघ आयपीएल फ्रँचायझीनेच विकत घेतले आहेत.

दक्षिण आफ्रिकेचा माजी कर्णधार ग्रॅमी स्मिथ आयपीएलमध्ये राजस्थान रॉयल्सकडून क्रिकेट खेळला, त्यानंतर त्याने या लीगमध्ये समालोचकाची भूमिका बजावली. स्मिथ हा चांगला खेळाडू आहे आणि या T20 लीगमुळे दक्षिण आफ्रिका क्रिकेट बोर्डाला आर्थिक फायदा होईल आणि स्मिथ ही भूमिका चोख बजावेल, अशी आशा दक्षिण आफ्रिका क्रिकेट बोर्डाला आहे.

क्रिकेट दक्षिण आफ्रिका बोर्डाची आर्थिक स्थिती फारशी चांगली नाही, बोर्ड भारतासारख्या देशांवर अवलंबून आहे. कोरोना महामारीनंतर परिस्थिती बिकट झाली आहे. क्रिकेट दक्षिण आफ्रिकेने आता या नवीन लीगची घोषणा केली आहे, ज्याचा उद्देश आपल्या मंडळाला आर्थिकदृष्ट्या मजबूत करणे आणि महसूल मिळवणे हे आहे.

दक्षिण आफ्रिकेच्या T20 लीगला मिनी आयपीएल म्हटले तर चुकीचे ठरणार नाही कारण आयपीएलचे माजी सीओओ सुंदर रमन हे लीगचे संस्थापक आहेत. स्पर्धेतील सर्व 6 संघ देखील आयपीएल फ्रँचायझींनी विकत घेतले आहेत, जरी अद्याप त्याची अधिकृत घोषणा व्हायची आहे. आयपीएलच्या कोणत्या फ्रँचायझीने कोणता संघ विकत घेतला जाणून घेऊयात.

मुंबई इंडियंस- केप टाउन
चेन्नई सुपर किंग्स- जोहान्सबर्ग
दिल्ली कैपिटल्स- सेंचुरियन
लखनऊ सुपर जायंट्स- डरबन
सनराइजर्स हैदराबाद- पोर्ट एलिजाबेथ
राजस्थान रॉयल्स- पार्ल