मालेगावचा क्रिकेटपटू अमोल कोळपे याला गेल्या शनिवारी बारामती शहर पोलिसांनी वयाची फसवणूक केल्याप्रकरणी अटक केली आहे. मंगळवारी त्याची तीन दिवसांची पोलीस कोठडी संपल्यानंतर बारामती न्यायालयाने त्याला 14 दिवसांची न्यायदंडाधिकारी कोठडी सुनावली होती. अटकेनंतर अमोल कोळपेकडे आता नियमित जामिनासाठी याचिका दाखल करण्याचा पर्याय आहे.
हे प्रकरण महाराष्ट्र क्रिकेट असोसिएशन (MCA) च्या या वर्षी जानेवारीत झालेल्या अंडर-19 निमंत्रण लीग सामन्यांच्या पात्रता फेरीशी संबंधित आहे. कोळपे याने 28 सप्टेंबर 2007 अशी त्यांची जन्मतारीख सांगणारी कागदपत्रे सादर केली होती. त्यानंतरच्या चौकशीत इतर जुनी कागदपत्र समोर आली, ज्यात त्याची जन्मतारीख 15 फेब्रुवारी 1999 असा उल्लेख आहे.
In a rare case, cricketer arrested for age-fudging
The case is related to a qualifying round of the #MaharashtraCricketAssociation‘s Under-19 invitation league matches held in January this year
Full Story: https://t.co/T9uLbW6E3j pic.twitter.com/db24gZ85hf
— TOI Sports (@toisports) June 8, 2023
क्लबचे प्रतिनिधी नाना सातव यांच्या तक्रारीनंतर पोलिसांनी कोळपे याला अटक केली आणि अन्य तिघांवर फसवणूक आणि खोटेपणाच्या आरोपाखाली गुन्हा दाखल केला. कोळपे याने वयाची फसवणूक करण्यासाठी बोगस कागदपत्रे सादर केल्याचा आरोप तक्रारदाराने केला आहे. एफआयआरमध्ये नाव असलेल्या इतर तिघांनी अटकपूर्व जामिनासाठी बारामती सत्र न्यायालयात धाव घेतली आहे. त्यांच्या आणि खेळाडूच्या जामीन याचिकेवर गुरुवारी सुनावणी होण्याची शक्यता आहे.