क्रिकेटपटू अक्षर पटेल अडकला लग्नबंधनात, पहा व्हिडिओ

खेळविश्व
By Team Inside Marathi
WhatsApp Group

भारतीय संघाचा अष्टपैलू खेळाडू अक्षर पटेल विवाहबंधनात अडकला आहे. केएल राहुलनंतर आज आणखी एका भारतीय क्रिकेटपटूचे लग्न झाले आहे. गर्लफ्रेंड मेहा पटेल हिच्याशी त्याने लग्न केलं आहे. दोघेही गेल्या 10 वर्षांपासून एकमेकांना ओळखतात. बराच काळ एकमेकांना डेट केल्यानंतर आता अक्षर आणि मेहा एकत्र आले आहेत. त्यांच्या लग्नाचा व्हिडिओही आता समोर आला आहे. या व्हिडिओमध्ये अक्षर घोड्यावर स्वार होऊन नववधूच्या घरी जाताना दिसत आहे. अक्षर घोडीवर स्वारी करतानाचा व्हिडिओ सोशल मीडियावर मोठ्या प्रमाणात व्हायरल होत आहे. दोघांचा मेहंदी सोहळा एक दिवस आधी झाला होता. यादरम्यान अक्षर पटेल आणि मेहाच्या डान्स परफॉर्मन्सचा व्हिडिओही समोर आला आहे.

अष्टपैलू अक्षर पटेलने लग्नासाठी न्यूझीलंडविरुद्धच्या वनडे मालिकेतून ब्रेक घेतला आहे. अक्षर आणि मेहाच्या लग्नाचे व्हिडिओ आणि फोटो सोशल मीडियावर व्हायरल होत आहेत. त्याचे चाहतेही सोशल मीडियावर भारतीय क्रिकेट संघाच्या अष्टपैलू खेळाडूचे अभिनंदन करत आहेत.

अक्षर पटेलची पत्नी मेहा पटेल कोण आहे?
अक्षर पटेलची पत्नी मेहा पटेल एक पोषणतज्ञ आणि आहारतज्ज्ञ आहे. भारतीय क्रिकेट संघाचा अष्टपैलू खेळाडू अक्षर पटेलने 20 जानेवारी रोजी आपल्या वाढदिवशी मेहा पटलेला लग्नाचा प्रस्ताव दिला होता.

अक्षर पटेलने 2014 मध्ये टीम इंडियासाठी पदार्पण केले होते. त्याने आतापर्यंत 8 कसोटी, 49 एकदिवसीय आणि 40 आंतरराष्ट्रीय टी-20 सामने खेळले आहेत. यामध्ये त्याने अनुक्रमे 47, 56 आणि 37 विकेट घेतल्या आहेत. तो सध्या टीम इंडियाचा महत्त्वाचा खेळाडू आहे.