Covid Centre Scam मुंबई जम्बो कोविड सेंटर घोटाळा, ED च्या छाप्यात संजीव जयस्वालांकडे मिळालं घबाड

मुंबई : कोरोनाच्या काळात उभारण्यात आलेल्या जम्बो कोविड सेंटरच्या कंत्राटातील घोटाळ्याप्रकरणी ईडीचे कारवाईचे सत्र जोरात सुरू आहे. आज ईडीने तत्कालीन अतिरिक्त आयुक्त आणि महापालिकेचे वरिष्ठ सनदी अधिकारी संजीव जयस्वाल यांच्या घरावर छापा टाकला Covid Centre Scam .

संजीव जयस्वाल IAS officer Sanjeev Jaiswal यांच्या पत्नीकडे स्थावर आणि जंगम मालमत्तांसह 50 कोटी रुपयांची संपत्ती असल्याचे समोर आले आहे. तसेच, जैस्वाल यांच्या पत्नीकडे मढ बेटावर अर्धा एकर जमीन आणि अनेक फ्लॅट्स आहेत. या सर्व मालमत्तांची एकूण किंमत सुमारे ३४ कोटी रुपये आहे. याशिवाय जयस्वाल यांच्या पत्नीच्या बँकांमध्ये 15 कोटींच्या मुदत ठेवी आहेत.

दरम्यान, संजीव जयस्वाल आणि त्यांच्या पत्नीला ईडीच्या अधिकाऱ्यांनी त्यांच्या संपत्तीचा तपशील आणि स्रोत याबाबत विचारणा केली होती. त्यावेळी जैस्वाल यांच्या पत्नीने सांगितले की, मढ आयलंड येथील जमीन त्यांना वडिलांनी भेट म्हणून दिली होती. जयस्वाल यांच्या पत्नीचे वडील माजी महसूल अधिकारी होते. जयस्वाल यांच्या पत्नीने सांगितले की, तिचे आई-वडील आणि आजी-आजोबांनी त्यांना मढ बेटावर जमीन दिली.

दरम्यान, ईडीने जयस्वाल यांना गुरुवारी चौकशीसाठी हजर राहण्याचे समन्स बजावले होते. मात्र ते गैरहजर होते. ईडीच्या सूत्रांचे म्हणणे आहे की, जैस्वाल यांची कंत्राट देण्यात त्यांची नेमकी भूमिका आणि त्यांनी करार मंजूर करणाऱ्या कागदपत्रांवर स्वाक्षरी केली की नाही हे जाणून घेण्यासाठी त्यांची चौकशी केली जाईल.