मनी लाँड्रिंग प्रतिबंध कायदा (पीएमएलए) न्यायालयाने मनी लाँड्रिंग प्रकरणात अटक करण्यात आलेले महाराष्ट्राचे माजी मंत्री नवाब मलिक यांना किडनी चाचणी करण्याची परवानगी दिली आहे. याआधी विशेष न्यायालयाने गेल्या महिन्यात राष्ट्रवादी काँग्रेस पक्षाचे (राष्ट्रवादी) नेते मलिक यांना ‘रेनल स्कॅन’ करण्याची परवानगी दिली होती. पण हा तपास पूर्ण होऊ शकला नाही कारण त्यावेळी नवाब मलिक यांना ताप आणि आरोग्याच्या इतर समस्या होत्या.
‘रेनल स्कॅन’ ही ‘न्यूक्लियर इमेजिंग टेस्ट’ आहे. जी किडनीचा आकार, माप आणि कार्य तपासण्यासाठी केली जाते.यासोबतच किडनीतील रक्तप्रवाह तपासण्यासाठीही ही चाचणी केली जाते. तर विशेष न्यायालयाचे न्यायाधीश आर. एन. रोकडे यांनी मंगळवारी मलिक यांनी चौकशीची परवानगी मागणारा अर्ज स्वीकारला. या आदेशाची प्रत बुधवारीही उपलब्ध करून देण्यात आली आहे.
अंमलबजावणी संचालनालयाने (ईडी) फरारी गँगस्टर दाऊद इब्राहिमशी संबंधित मनी लॉन्ड्रिंग प्रकरणात नवाब मलिकला या वर्षी 23 फेब्रुवारीला अटक केली. त्यानंतर ते सध्या गेल्या अनेक महिन्यांपासून न्यायालयीन कोठडीत असून मुंबईतील आर्थर रोड कारागृहात आहे. मात्र, न्यायालयाने यापूर्वी वैद्यकीय कारणास्तव त्यांचा जामीन अर्ज फेटाळला होता. त्याच्या नियमित जामीन अर्जावर विशेष न्यायाधीशांसमोर सुनावणी सुरू आहे.