”महिला साडी-सलवारमध्ये छान दिसतात आणि काही नाही घातलं तरी…”, बाबा रामदेव यांचं वादग्रस्त वक्तव्य
योगगुरू बाबा रामदेव यांनी महिलांच्या कपड्यांबाबत आक्षेपार्ह टिप्पणी केली आहे. ठाण्यातील एका कार्यक्रमात बोलताना ते म्हणाले, महिला साडी नेसूनही छान दिसतात. सलवार कमीज घालूनही छान दिसते… माझ्या मते काहीही न घालता देखील महिला छान दिसते. असे म्हणत त्याचा व्हिडिओ सोशल मीडियावर व्हायरल होत आहे. या कार्यक्रमाला महाराष्ट्राचे उपमुख्यमंत्री देवेंद्र फडणवीस यांच्या पत्नी अमृता फडणवीसही उपस्थित होत्या.
मिळालेल्या माहितीनुसार, ठाण्यातील एका सभेत रामदेव बाबांनी हे वक्तव्य केले आहे. या कार्यक्रमात महिलांनी योगासाठी कपडे आणले होते. यानंतर महिलांची सर्वसाधारण सभा आयोजित करण्यात आली होती. यासाठी महिलांनी साड्या आणल्या होत्या. ठरल्याप्रमाणे सकाळी योग विज्ञान शिबिराचे आयोजन करण्यात आले त्यानंतर महिलांसाठी योग प्रशिक्षण उपक्रम आणि त्यानंतर लगेचच महिलांसाठी असेंब्ली सुरू करण्यात आली. त्यामुळे महिलांना साडी नेसण्यासाठी वेळ मिळाला नाही.
काय म्हणाले रामदेव बाबा ?
रामदेव बाबा म्हणाले, जर तुम्हाला साडी नेसता येत नसेल तर काही हरकत नाही… आता घरी जा आणि साडी घाला. रामदेव पुढे म्हणाले की, स्त्रिया साडीत छान दिसतात, अमृता फडणवीस सारख्या स्त्रिया ड्रेस (सलवार सूट) मध्येही छान दिसतात.. आणि माझ्या मते काही नाही घातलं तरीही महिला छान दिसते.
#WATCH Ramdev Baba made objectionable remarks about women said, “Women look good even if they do not wear anything”#RamdevBaba #women #WomensRights #sexist #Objectifyingwomen pic.twitter.com/f9iZUV9kj3
— Ashmita Chhabria (@ChhabriaAshmita) November 25, 2022
अमृता फडणवीस यांचे केले खूप कौतुक
या कार्यक्रमात रामदेव बाबा यांनी अमृता फडणवीस यांचे खूप कौतुक केले. ते म्हणाले, अमृता फडणवीस यांना तरूण राहण्याचे इतके वेड आहे की मला वाटते की त्या कधीच 100 वर्षांची महिला होणार नाही. त्या आनंदी असतात, त्यांना पाहताच ते मुलांसारखे हसत राहतात. अमृता फडणवीस यांच्या चेहऱ्यावर जे हसू आहे, तेच हसू मला सगळ्यांच्या चेहऱ्यावर बघायचे आहे.