पुरुष कंडोमप्रमाणेच महिलांसाठीही वेगळा कंडोम असतो आणि तो म्हणजे “फिमेल कंडोम” किंवा “स्त्री कंडोम”. अजूनही याबाबत अनेकांना माहिती नाही. फिमेल कंडोम सुरक्षित संभोगासाठी एक चांगला पर्याय आहे. हा कंडोम योग्य पद्धतीने वापरला तर गर्भधारणा आणि लैंगिक आजारांपासून बचाव होऊ शकतो.
खाली बायकांसाठी असलेल्या कंडोमबद्दल संपूर्ण माहिती दिली आहे. या पाच गोष्टी जर माहिती असतील तर फिमेल कंडोम वापरणं खूप सोपं होईल.
बायकांसाठी वेगळा कंडोम असतो का
होय, महिलांसाठी खास डिझाइन केलेला कंडोम असतो जो योनीमध्ये घालावा लागतो. याला फिमेल कंडोम किंवा इन्टरनल कंडोम म्हणतात. तो पुरुष कंडोमसारखा बाहेरून नसतो, तर शरीराच्या आत बसवावा लागतो. तो एक प्रकारचा सॉफ्ट प्लास्टिकचा पाऊच असतो ज्यात दोन रिंग असतात.
फिमेल कंडोमविषयी माहिती हव्या ५ गोष्टी
1. फिमेल कंडोम कसा असतो
हा एक सॉफ्ट आणि लवचिक पाउच असतो. त्याला दोन बाजूंना रिंग असतात. एक रिंग योनीच्या आत खोल घालण्यासाठी असते आणि दुसरी रिंग योनीच्या बाहेर राहते. हा कंडोम संभोगाच्या आधी घालावा लागतो.
2. याचा उपयोग कसा करतात
फिमेल कंडोम वापरण्यासाठी महिलेला आरामात झोपावं लागतं. मग आतल्या बाजूची रिंग दाबून योनीमध्ये खोलपर्यंत घालावी लागते. बाहेरची रिंग योनीबाहेर राहते, जी कंडोम सरकू न देण्यासाठी मदत करते.
महत्त्वाची गोष्ट – पुरुष कंडोम आणि फिमेल कंडोम एकाच वेळी वापरू नका. त्यामुळे ते दोघेही खराब होऊ शकतात.
3. फायदा कोणते आहेत
गर्भधारणा रोखतो
एचआयव्हीसह लैंगिक रोगांपासून संरक्षण
महिलेला नियंत्रण असतं की कधी आणि कसा वापरायचा
पुरुषाला कधीही कंडोम वापरण्यास नकार दिल्यास पर्याय उपलब्ध
4. त्रास किंवा गैरसोयी कोणत्या
काही वेळा योग्यरितीने बसवणं कठीण जाऊ शकतं
पहिल्यांदा वापरताना थोडं अस्वस्थ वाटू शकतं
आवाज येऊ शकतो किंवा कंडोम जागेवरून सरकू शकतो
भारतात फार सहज उपलब्ध नाही, काही फार्मसीमध्ये किंवा ऑनलाईन मिळतो
5. योग्य वापरासाठी काही टिप्स
संभोगाच्या आधीच वापरा, चटकन घालायचा प्रयत्न करू नका
आरशाचा उपयोग करून योग्य पद्धतीने बसवता येईल
एकदाच वापरण्यासाठी असतो, पुन्हा वापरू नका
वापरल्यानंतर काळजीपूर्वक काढा आणि टॉयलेटमध्ये न टाकता कचऱ्यात टाका
स्त्रियांनाही सुरक्षित लैंगिक संबंध ठेवण्यासाठी पर्याय असतो आणि त्याचं नाव आहे फिमेल कंडोम. योग्य माहिती आणि थोडा सराव असेल तर हा कंडोम वापरणं खूपच सोपं आणि सुरक्षित ठरतं. महिलांनी लैंगिक आरोग्याबाबत सजग राहून या पर्यायाचा विचार करावा.