पॅन कार्ड हे असे कागदपत्र आहे जे लोकांच्या आर्थिक घडामोडींच्या वेळी खूप उपयुक्त आहे. पॅन कार्डच्या मदतीने आयकर भरता येतो. प्राप्तिकर विभागाने जारी केलेला 10 वर्णांचा स्थायी खाते क्रमांक (PAN) हा आजकालच्या सर्वात महत्त्वाच्या कागदपत्रांपैकी एक आहे. पॅन कार्ड व्यक्ती आणि संस्थांद्वारे कर चुकवेगिरी टाळण्यासाठी देखील जारी केले जाते कारण त्यात विशिष्ट व्यक्ती किंवा संस्थेद्वारे केलेल्या सर्व आर्थिक व्यवहारांची नोंद असते. कोणताही भारतीय नागरिक पॅन कार्डसाठी अर्ज करू शकतो.
पॅन कार्ड आणि आधार कार्ड लिंक
आयकर विभागाने एक महत्त्वाची माहिती दिली आहे. अनेक दिवसांपासून लोकांना पॅन कार्ड आधार कार्डशी लिंक करण्यासाठी जागरूक केले जात आहे. ज्या पॅनकार्डधारकांनी अद्याप पॅन कार्ड आधार कार्डशी लिंक केलेले नाही त्यांच्याकडे आणखी काही महिन्यांचा कालावधी आहे.
हेही वाचा – Aadhaar Card Upadte: आधार कार्ड किती वेळा करता येऊ शकते अपडेट, जाणून घ्या सर्व माहिती
शेवटची तारीख
आयकर विभागाने ट्विट केले की, ‘आयकर कायदा, 1961 नुसार, सर्व पॅन धारकांसाठी, जे सवलत श्रेणीत येत नाहीत, त्यांना आधारशी पॅन लिंक करण्याची अंतिम तारीख 31 मार्च 2023 आहे. जर पॅन आधारशी लिंक नसेल तर पॅन निष्क्रिय होईल. अशा परिस्थितीत पॅन कार्ड निष्क्रिय होण्यापासून वाचवण्यासाठी ते आधार कार्डशी लिंक करा. त्यासाठी आणखी महिन्यांचा कालावधी आहे.
हेही वाचा – Aadhar Card Update: आधार कार्डवर असलेला फोटो आवडला नाही? असा बदलता येईल फोटो
यासोबतच, आयकर विभागाने म्हटले शक्य तितक्या लवकर पॅन कार्ड आधार कार्डशी लिंक करण्याची विनंती केली आहे. www.incometax.gov.in वर 1000 रुपये शुल्क भरून वैध आधार कार्डसोबत पॅन लिंक केले जाऊ शकते.