Comedian Raju Srivastava passed away: जगातील प्रसिद्ध विनोदी कलाकार आणि भारतातील सर्वोत्तम विनोदी कलाकारांपैकी एक असलेले राजू श्रीवास्तव यांचं निधन झालं आहे. त्यांनी दिल्लीतील एम्स रुग्णालयामद्धे अखेरचा श्वास घेतला. 10 ऑगस्ट रोजी जिममध्ये वर्कआऊट करत असताना राजू श्रीवास्तव यांना हृदयविकाराचा झटका आला, त्यानंतर त्यांना तातडीने दिल्लीतील एम्स रुग्णालयात दाखल करण्यात आले. जीवन आणि मृत्यू यांच्यातील 40 दिवसांची लढाई लढल्यानंतर आज या कॉमेडियनचे निधन झाले.
राजू श्रीवास्तव यांना रुग्णालयात दाखल केल्यापासून त्यांची प्रकृती चिंताजनक होती. या कॉमेडियनला प्रथम आयसीयूमध्ये दाखल करण्यात आले, मात्र प्रकृतीत सुधारणा न झाल्याने त्यांना व्हेंटिलेटरवर हलवण्यात आले. सर्व प्रयत्न करूनही डॉक्टर राजू श्रीवास्तव यांना वाचवू शकले नाहीत आणि सर्वांना रडवून सर्वांना हसवणारा विनोदवीर या जगाचा कायमचा निरोप घेतला.
Comedian Raju Srivastava passes away in Delhi at the age of 58, confirms his family.
He was admitted to AIIMS Delhi on August 10 after experiencing chest pain & collapsing while working out at the gym.
(File Pic) pic.twitter.com/kJqPvOskb5
— ANI (@ANI) September 21, 2022
राजू श्रीवास्तव यांनी 80 च्या दशकापासून मनोरंजन विश्वात संघर्ष करण्यास सुरुवात केली होती, परंतु त्यांना त्यांच्या प्रतिभेनुसार ओळख मिळू शकली नाही. मात्र, याच काळात राजू श्रीवास्तव यांनी बॉलीवूड सुपरस्टार अनिल कपूरच्या ‘तेजाब’ या चित्रपटाद्वारे हिंदी चित्रपटसृष्टीत पाऊल ठेवले होते. तरीही राजूला अजून बराच पल्ला गाठायचा होता.वर्षामागून वर्ष लोटले पण राजूला हवी तशी प्रसिद्धी मिळत नव्हती. पण त्यानंतर 2005 ‘द ग्रेट इंडियन लाफ्टर चॅलेंज’ या कार्यक्रमामधून ते प्रेक्षकांच्या भेटीस आले. या कार्यक्रमामधील त्यांच्या परफॉर्मन्सचं अनेकांनी कौतुक देखील केलं.