“मुंबईला ‘असुरक्षित’ म्हणणं चुकीचं”, सैफ अली खानवरील चाकू हल्ल्यावर मुख्यमंत्री देवेंद्र फडणवीसांची प्रतिक्रीया

महाराष्ट्राचे मुख्यमंत्री देवेंद्र फडणवीस यांनी गुरुवारी अभिनेता सैफ अली खानवरील चाकू हल्ल्याला गंभीर घटना म्हटले परंतु मुंबईला “असुरक्षित” म्हणणे चुकीचे असल्याचे सांगितले. ते म्हणाले, “मुंबई हे देशातील सर्वात सुरक्षित मेगा सिटी आहे. ही घटना गंभीर आहे पण शहराला असुरक्षित म्हणणे चुकीचे आहे. अभिनेता सैफ अली खान सध्या मुंबईतील लीलावती रुग्णालयात उपचार घेत आहे. गुरुवारी पहाटे ३ वाजताच्या सुमारास त्याच्या अपार्टमेंटमध्ये घुसखोराने त्याच्यावर चाकूने वार केले.

महाराष्ट्राचे मुख्यमंत्री देवेंद्र फडणवीस म्हणाले, ‘या घटनेकडे गांभीर्याने पाहिले पाहिजे. मुंबई सुरक्षित करण्यासाठी सरकार पावले उचलेल. फडणवीस म्हणाले, “पोलिसांनी तुम्हाला या संदर्भात सर्व माहिती दिली आहे. हा कोणत्या प्रकारचा हल्ला आहे, त्यामागे कारण काय आहे आणि हल्ल्यामागील हेतू काय होता, हे सर्व तुमच्या समोर आहे.

मुंबई पोलिसांच्या म्हणण्यानुसार, मुंबईतील वांद्रे येथील सैफ अली खानच्या घरात घुसून त्याच्यावर चाकूने वार करणाऱ्या घुसखोराची सीसीटीव्ही फुटेजद्वारे ओळख पटवण्यात आली आहे. घटनेच्या चौकशीसाठी पथके तयार करण्यात आली आहेत. प्राथमिक तपासात असे दिसून आले आहे की घुसखोराने सतगुरु शरण बिल्डिंगमधील अभिनेत्याच्या १२ व्या मजल्यावरील फ्लॅटमध्ये जबरदस्तीने प्रवेश केला नाही. रात्रीच्या वेळी तो शांतपणे आत आला. खानवर चाकूने वार केल्यानंतर, हल्लेखोराने पळून जाण्यासाठी शिडीचा आधार घेतला. सहाव्या मजल्यावरील सीसीटीव्ही फुटेज सापडले आहे.