अमृतसरहून कटरा जाणाऱ्या बसला अपघात झाला. या अपघातात 7 जणांचा मृत्यू झाला असून अनेक जण जखमी झाले आहेत. जखमींना रुग्णालयात दाखल करण्यात आले आहे. मिळालेल्या माहितीनुसार, हा अपघात जम्मू श्रीनगर राष्ट्रीय महामार्गावरील जज्जर कोटली भागात जम्मूपासून 30 किलोमीटर अंतरावर झाला. बसमध्ये वैष्णोदेवीचे प्रवासीही होते. सकाळी हा अपघात झाला, त्यानंतर आजूबाजूच्या परिसरातील लोक आणि पोलिसांनी बचावकार्य केले.
#WATCH | J&K | A bus from Amritsar to Katra fell into a gorge in Jammu. As per Jammu DC, 7 peopled died and 4 critically injured; 12 others also sustained injuries.
Visuals from the spot. pic.twitter.com/iSse58ovos
— ANI (@ANI) May 30, 2023
काय म्हणाले जम्मूचे डीसी?
या घटनेवर जम्मू डीसीचे वक्तव्यही समोर आले आहे. त्यांनी याआधी 10 मृत्यूची पुष्टी केली होती परंतु नंतर मृतांच्या संख्येबद्दल नवीन अपडेट देत असे सांगितले की या घटनेत 7 लोकांचा मृत्यू झाला आहे, 4 गंभीर जखमी आहेत आणि त्यांना शासकीय वैद्यकीय महाविद्यालय आणि रुग्णालयात पाठविण्यात आले आहे. अन्य 12 जखमींवर स्थानिक प्राथमिक आरोग्य केंद्रात उपचार सुरू आहेत.
जैसे ही हमें सुबह दुर्घटना की जानकारी मिली। तुरंत हमारी टीम ने यहां पहुंचकर रेस्क्यू ऑपरेशन शुरू किया। शवों को निकाला गया। घायलों को अस्पताल पहुंचाया है। पुलिस की टीम भी हमारे साथ रेस्क्यू ऑपरेशन में लगी है। रेस्क्यू ऑपरेशन जारी है। बताया जा रहा है कि बस में बिहार के लोग थे जो… pic.twitter.com/6BHpxgzEnb
— ANI_HindiNews (@AHindinews) May 30, 2023
बचाव कार्यात गुंतलेले सीआरपीएफ अधिकारी अशोक चौधरी म्हणाले, ‘सकाळी अपघाताची माहिती मिळताच आमची टीम तात्काळ येथे पोहोचली आणि बचावकार्य सुरू केले. मृतदेह बाहेर काढण्यात आले. जखमींना रुग्णालयात दाखल करण्यात आले आहे. आमच्यासोबत पोलिसांचे पथकही बचाव कार्यात गुंतले आहे. बचावकार्य सुरू आहे. कटरा येथे जात असलेल्या बसमध्ये बिहारचे लोक होते, असे सांगण्यात येत आहे.