अहमदनगर – प्रश्नपत्रिका घेऊन जाणाऱ्या आयशर टेम्पोला अचानक आग लागली. या टेम्पोला आग लागल्यामुळे आगीत संपूर्ण प्रश्नपत्रिका जळून खाक झाल्‍या आहेत. संगमनेर तालुक्यातील पुणे- नाशिक महामार्गावर Pune Nashik Highway दहावी बारावीच्या पुणे बोर्डाच्या प्रश्नपत्रिका घेऊन जाणाऱ्या टेम्पोला चंदनापुरी घाटामध्ये टेम्पोला मागच्या बाजूने आग लागली.
या आगीमध्ये संपूर्ण प्रश्नपत्रिका जळून खाक झाल्याची धक्कादायक घटना घडली आहे. घटनास्थळी पोलीस आणि अग्निशामक दल Fire Brigade दाखल झाले असून टेम्पो विझवण्यात आला आहे . मात्र तोपर्यंत संपूर्ण टेम्पो जळून खाक झाला होता.
या घटनेमध्ये जीवित हानी झाली नाही मात्र, टेम्पो संपूर्णपणे जळून खाक झाला असून त्यामधील सर्व दहावी– बारावीच्या प्रश्नपत्रिका जळून खाक झाल्याची माहिती समोर आली आहे. त्यामुळे पुणे Pune बोर्डाचे अधिकारी घटनास्थळी आल्यावर पंचनामा करू अशी माहिती संगमनेर पोलिसांकडून देण्यात आली आहे.