दिल्लीतील वेलकम परिसरात इमारत कोसळली, दोघांचा मृत्यू

0
WhatsApp Group

Delhi Old Building Collapsed: दिल्लीतून मोठी बातमी समोर येत आहे. येथील कबीर नगरमध्ये जुनी इमारत कोसळून दोघांचा मृत्यू झाला, तर एकाची प्रकृती चिंताजनक आहे. आज पहाटे दोनच्या सुमारास हा अपघात झाला. उत्तर पूर्व डीसीपी जॉय तिर्की यांच्यासह अनेक अधिकारी घटनास्थळी पोहोचले.

घटनेची माहिती देताना उत्तर पूर्व डीसीपी जॉय तिर्की यांनी सांगितले की, पहाटे 2:16 च्या सुमारास कबीर नगर, वेलकम येथे दोन मजली जुनी बांधकाम सुरू असलेली इमारत कोसळल्याची माहिती मिळाली. या अपघातात तीन मजूर जखमी झाले. जखमींना तात्काळ जीटीबी रुग्णालयात नेण्यात आले, तेथे अर्शद (30) आणि तौहीद (20) या दोन मजुरांना मृत घोषित करण्यात आले, तर रेहान (22) या अन्य मजुराची प्रकृती चिंताजनक आहे. त्याच्यावर उपचार सुरू आहेत.

हेही वाचा – भूकंपाच्या धक्क्यांनी हिंगोली, परभणी हारदर; 10 मिनिटांत दोनदा बसले मोठे धक्के

‘याप्रकरणी कायदेशीर कारवाई केली जाईल’
याप्रकरणी कायदेशीर कारवाई केली जाईल, असे उत्तर पूर्व डीसीपी जॉय तिर्की यांनी सांगितले. पुढील तपास सुरू आहे. शाहीद असे इमारतीच्या मालकाचे नाव आहे. सध्या त्याचा शोध घेण्याचे प्रयत्न सुरू आहेत.

हेही वाचा – कर्णधार झाल्यानंतर पहिल्यांदाच रोहित शर्माला भेटला पंड्या, पुढे काय झाले ते पाहा, Video

कोलकात्यात 9 जणांचा मृत्यू झाला
याआधी, पश्चिम बंगालची राजधानी कोलकाता येथे 5 मजली बांधकाम सुरू असलेली इमारत कोसळून 9 जणांचा मृत्यू झाला होता, तर 17 जण जखमी झाले होते. जखमींना रुग्णालयात दाखल करण्यात आले. हा अपघात दक्षिण कोलकाता येथील मेटियाब्रुझ येथे घडला. ही इमारत बेकायदेशीरपणे बांधण्यात येत असल्याचे स्थानिकांनी सांगितले होते. राज्यपाल सीव्ही आनंद बोस यांनीही घटनास्थळी पोहोचून घटनेची माहिती घेतली. दरम्यान, मुख्यमंत्री ममता बॅनर्जी यांनी युनिपोन रुग्णालयात जाऊन जखमींची भेट घेतली.