ब्राझीलला विक्रमी तीन विश्वचषक जिंकून देणारे ब्राझीलचे महान फुटबॉलपटू पेले यांचे वयाच्या 82 व्या वर्षी निधन झाले Pele dies at 82. पेले यांच्या मुलीने इन्स्टाग्राम पोस्ट शेअर करून वडिलांच्या मृत्यूची माहिती दिली. पेले यांनी काही काळ रुग्णालयात जीवनाशी झुंज देत आज अखेरचा श्वास घेतला. महान फुटबॉलपटू पेले यांना कोलन कॅन्सर झाला होता.
पेले यांना विशेष निरीक्षणाखाली ठेवण्यात आले होते. पेले ब्राझीलसाठी फॉरवर्ड म्हणून खेळत असे. अनेक आजारांमुळे ते गेल्या महिन्यापासून रुग्णालयात दाखल होते. 1999 मध्ये, पेलेची शतकातील ऍथलीट म्हणून निवड झाली. पेले यांच्या नावावर 1363 सामन्यात 1279 गोल करण्याचा विक्रम आहे.पेले यांनी 1958, 1962 आणि 1970 मध्ये तीन विश्वचषक जिंकले.असे करणारा पेले हे जगातील एकमेव खेळाडू होता.
पेले यांनी वयाच्या 15 व्या वर्षी सँटोससाठी फुटबॉल खेळायला सुरुवात केली. त्याच्या मेहनतीमुळे त्याने वयाच्या अवघ्या 16 व्या वर्षी ब्राझीलच्या राष्ट्रीय संघात स्थान मिळवले. 1957 मध्ये, 7 जुलै रोजी, पेले यांनी आंतरराष्ट्रीय पदार्पण केले. या सामन्यात पेले यांनी गोल करत इतिहास घडवला. गोल करणारा ते ब्राझीलचे सर्वात तरुण खेळाडू ठरले.
फुटबॉलच्या महान खेळाडूंपैकी एक असलेल्या पेले यांनी जवळपास दोन दशके या खेळाद्वारे आपल्या चाहत्यांचे मनोरंजन केले. साओ पाउलोच्या रस्त्यांपासून सुरू झालेल्या त्यांच्या प्रवासात त्यांनी ब्राझीलला फुटबॉलच्या शिखरावर नेले आणि खेळाचा जागतिक राजदूत बनले.
पेले यांच्या नेतृत्वाखाली ब्राझीलने 1958, 1962 आणि 1970 मध्ये विश्वचषक जिंकला होता. त्यांनी ब्राझीलसाठी 77 गोल केले. त्याच्या या राष्ट्रीय विक्रमाची नुकतीच नेमारने विश्वचषकादरम्यान बरोबरी केली होती. रोझमेरी डॉस रेस चोल्बी आणि अ‍ॅसिरिया सेक्सटास लेमोस यांच्याशी झालेल्या विवाहापासून पेले यांना पाच मुले आणि दोन मुली आहेत.