पाकिस्तानमध्ये पुन्हा एकदा मोठा बॉम्बस्फोट झाला आहे. या बॉम्बस्फोटात 35 हून अधिक लोकांचा मृत्यू झाल्याची माहिती आहे. या बॉम्बस्फोटात 200 हून अधिक लोक गंभीर जखमी झाले आहेत. जखमींना जवळच्या रुग्णालयात दाखल करण्यात आले आहे. मिळालेल्या माहितीनुसार, पाकिस्तानातील खैबर पख्तुनख्वामधील बाजौर भागात जमियत उलेमा-ए-इस्लाम-फजल (JUI-F) ची बैठक सुरू होती. या बैठकीला अनेक कार्यकर्ते आले होते. या सभेला लक्ष्य करत दहशतवाद्यांनी हा स्फोट घडवला. बॉम्बस्फोटानंतर घटनास्थळी एकच गोंधळ उडाला.
बॉम्बस्फोटानंतर पोलीस आणि सुरक्षा दल घटनास्थळी पोहोचले असून ते मदत आणि बचाव कार्य करत आहेत. मृतांचा आकडा आणखी वाढण्याची शक्यता पोलिसांनी व्यक्त केली आहे. पोलिसांनी दिलेल्या माहितीनुसार, सभेच्या ठिकाणी हा स्फोट झाला. मात्र, पोलिसांनी अद्याप स्फोटाच्या कारणाला दुजोरा दिलेला नाही. जेयूआय-एफ खैबर पख्तुनख्वाचे प्रवक्ते अब्दुल जलील खान यांनी पाकिस्तानी वृत्तवाहिनी जिओ न्यूजला सांगितले की मौलाना लाइक परिषदेला संबोधित करत असताना दुपारी चारच्या सुमारास हा स्फोट झाला. प्रांतीय प्रवक्त्याने सांगितले की या परिषदेदरम्यान JUI-F MNA मौलाना जमालुद्दीन आणि सिनेटर अब्दुल रशीद हे देखील उपस्थित होते. त्यांनी पुष्टी केली की JUI-F चे तहसील खार अमीर मौलाना झियाउल्ला देखील मृतांमध्ये होते.
“Death toll rises to 10 whereas more than 30 have been reported as injured in blast targeting JUI-F workers’ convention in Bajaur, Pakistan,” reports Pakistan’s Geo News
— ANI (@ANI) July 30, 2023