Kareena Kapoor Birthday : तुमची लाडकी ‘बेबो’ झाली 44 वर्षांची, जाणून घ्या तिच्याबद्दल काही खास गोष्टी 

 Kareena Kapoor Birthday : करीना कपूर आज 21 सप्टेंबरला तिचा 44 वा वाढदिवस साजरा करत आहे. आज बॉलिवूडच्या ‘बेबो’च्या वाढदिवसानिमित्त तिच्याबद्दलच्या काही खास गोष्टी जाणून घेऊया.

करीना कपूरचा जन्म 21 सप्टेंबर 1980 रोजी मुंबईत झाला. ती रणधीर कपूर आणि बबिता यांची धाकटी मुलगी आहे. तिच्या कुटुंबाचे नेहमीच चित्रपटांशी घट्ट नाते होते आणि त्यामुळेच करीना कपूरला नेहमीच अभिनेत्री बनायचे होते.

राकेश रोशनच्या ‘कहो ना प्यार है’ या चित्रपटातून ती बॉलिवूडमध्ये पदार्पण करणार होती.अनेक मीडिया रिपोर्ट्सनुसार, करीना कपूर 2000 मध्ये राकेश रोशनच्या ‘कहो ना प्यार है’ या चित्रपटातून बॉलिवूडमध्ये पदार्पण करणार होती. पण नंतर काही वैयक्तिक कारणांमुळे तिने हा चित्रपट सोडला आणि त्याच वर्षी ‘रिफ्युजी’ चित्रपटातून पदार्पण केले. ‘रिफ्युजी’ या चित्रपटात तिच्यासोबत अभिषेक बच्चन मुख्य भूमिकेत होता.

पहिल्या चित्रपटासाठी ‘फिल्मफेअर’ पुरस्काराने सन्मानित

‘रिफ्युजी’ चित्रपटातील करीना कपूरच्या अभिनयाचे खूप कौतुक झाले आणि या चित्रपटातील तिच्या अभिनयासाठी तिला ‘फिल्मफेअर फॉर बेस्ट डेब्यू’ पुरस्काराने सन्मानित करण्यात आले.

पदार्पणाच्या पुढच्याच वर्षी एक ब्लॉकबस्टर चित्रपट दिला

करीना कपूरच्या कारकिर्दीतील दुसरा चित्रपट ब्लॉकबस्टर ठरला. 2001 मध्ये तुषार कपूरसोबतच्या ‘मुझे कुछ कहना है’ या चित्रपटाने बॉक्स ऑफिसवर चांगली कमाई केली होती.

सलग सहा चित्रपट फ्लॉप

करिनाच्या कारकिर्दीत एक असा टप्पा आला जेव्हा तिचे सलग सहा चित्रपट बॉक्स ऑफिसवर वाईटरित्या फ्लॉप झाले. ‘मुझसे दोस्ती करोगे!’, ‘जीना सिर्फ मेरे लिए’, ‘तलाश: द हंट बिगिन्स’, ‘खुशी’, ‘मैं प्रेम की दिवानी हूं’ आणि ‘एलओसी कारगिल’, हे सर्व त्या काळातील मोठे चित्रपट होते पण एकही चित्रपट बॉक्स ऑफिसवर आपली जादू दाखवू शकला नाही.

सुरुवातीच्या काळात तिचे अनेक चित्रपट फ्लॉप झाले असले तरी करीना कपूरने कधीच मागे वळून पाहिले नाही. आज ती बॉलिवूडमधील सर्वात यशस्वी अभिनेत्रींपैकी एक आहे. आजवर त्यांनी साकारलेली अनेक ‘आयकॉनिक’ पात्रे प्रेक्षक विसरू शकलेले नाहीत.