पुणे – कर्नाटकातील पोलीस उपनिरीक्षक (PSI) भरती घोटाळ्याप्रकरणी गुन्हे अन्वेषण विभागाने (CID) शुक्रवारी भाजप नेत्या दिव्या हागारगीला (BJP leader Divya Hagargi) अटक करण्यात आली आहे. सीआयडीने पुण्यातून (Pune) ही अटक केली आहे.
पोलीस सूत्रांकडून मिळालेल्या माहितीनुसार, दिव्या ही पुण्यात लपून होती. आज सकाळी त्यांना कलबुर्गी येथे आणलं जाण्याची शक्यता आहे. या प्रकरणात अटक झालेली ती 18 वी आरोपी आहे.
Karnataka CID arrested 5 persons including the main accused Divya Hagaragi from Pune last night, in connection with the PSI recruitment scam: Karnataka Home Minister Araga Jnanendra
— ANI (@ANI) April 29, 2022
दिव्याचा पती राजेश हगारगी याला यापूर्वी अटक करण्यात आली आहे तर त्यावेळी ती पळून जाण्यात यशस्वी झाली होती. गुलबर्गा इथल्या कनिष्ठ न्यायालयाने मंगळवारी भाजप नेत्या दिव्या हागारगी यांच्यासह सहा जणांविरुद्ध अटक वॉरंट जारी केलं होतं. त्याआधी आरोपींनी अटपूर्व जामिनासाठी अर्ज केला होता. मात्र त्यांची याचिका न्यायालयाने फेटाळून लावली होती.