गुजरात विधानसभा निवडणुकीच्या पार्श्वभूमीवर भाजपमध्ये नवा ट्रेंड पाहायला मिळत आहे. पक्षाने यावेळी अनेक बंडखोर नेत्यांना हाकलून दिले आहे. गुजरातमध्ये मंगळवारी पुन्हा एकदा भाजपने त्यांच्या आणखी 12 नेत्यांना निलंबित केले आहे. यामध्ये मधु श्रीवास्तव, धवल सिंग झाला, दिनेश पटेल यांच्यासह आणखी काही नावे आहेत. या सर्व नेत्यांनी भाजपच्या उमेदवारांविरोधात अपक्ष अर्ज दाखल केले होते, त्यामुळे पक्षाने कारवाई करताना त्यांना निलंबित केले आहे. वाघोडियातून 6 वेळा आमदार मधू श्रीवास्तव यांच्यासह 12 बंडखोर उमेदवार यावेळी रिंगणात उतरले.
काही दिवसांपूर्वी 7 नेत्यांना निलंबित करण्यात आले होते
दोन दिवसांपूर्वी गुजरातमधील भाजप अध्यक्षांनी बंडखोरी करणाऱ्या पक्षातील 7 नेत्यांना निलंबित केले होते. भाजपने अधिकृत प्रेस नोट जारी करून पक्षाच्या घोषित उमेदवारांविरोधात बंड करून निवडणूक लढवण्याच्या तयारीत असलेल्या 7 नेत्यांना निलंबित करण्यात आल्याचे स्पष्टपणे नमूद केले आहे. गुजरात प्रदेशाध्यक्ष सी.आर.पाटील यांच्या सूचनेनुसार ही कारवाई करण्यात आली आहे. गेल्या वेळी पक्षाने हर्षदभाई वसावा, अरविंदभाई लडानी, छत्रसिंह गुंजारिया, केतनभाई पटेल, भरतभाई चावडा, उदयभाई शाह, करणभाई बरैया यांना निलंबित केले होते.
गुजरात में भारतीय जनता पार्टी ने अपने उन 12 बागी नेताओं को निलंबित कर दिया है जो निर्दलीय चुनावी मैदान में उतर गए थे।
गुजरात भाजपा के कई बागी नेता निर्दलीय चुनावी मैदान में हैं। कहीं-कहीं पर चुनावी गणित बिगाड़ रहे हैं यह नेता। pic.twitter.com/UBI94gfJw5— aashish tiwari (@aashishtiwarii) November 22, 2022
गुजरात भाजपचे लक्ष्य काय?
गुजरात निवडणुकीत भाजपचे लक्ष्य 150 हून अधिक जागा जिंकण्याचे आहे. देशाचे गृहमंत्री अमित शहा हेही तिकीट वाटपाबाबत नाराज नेत्यांचे मन वळवण्यात अनेक दिवस व्यस्त होते, त्यानंतरही अनेक नेत्यांनी अपक्ष म्हणून उमेदवारी दिली होती.
दोन टप्प्यात होणार निवडणुका
विशेष म्हणजे गुजरातमध्ये दोन टप्प्यात मतदान होणार आहे. पहिल्या टप्प्यात 1 डिसेंबरला 89 जागांवर मतदान होणार आहे, तर दुसऱ्या टप्प्यात 93 जागांवर मतदान होणार आहे. दुसऱ्या टप्प्यासाठी 5 डिसेंबरला मतदान होणार आहे. दोन्ही टप्प्यांचे निकाल 8 डिसेंबरला लागणार आहेत.
Join our WhatsApp Group, Instagram, Facebook Page and Twitter for every update