LPG Cylinder Price : पेट्रोलियम कंपनी इंडियन ऑईलने आजपासून (1 जुलै) एलपीजी सिलिंडरच्या दरात (LPG Cylinder Price) मोठी कपात झाली आहे. सिलिंडरच्या दरात 198 रुपये कपात करण्यात आली आहे. परंतु ही दर कपात केवळ कमर्शियल सिलिंडरच्या दरात करण्यात आली आहे. या निर्णयाचा हॉटेल व्यावसायिकांना मोठा दिलासा मिळाला आहे. घरगुती वापराच्या एलपीजी सिलिंडरच्या दरामध्ये कोणताही बदल करण्यात आलेला नाही.
एलपीजी सिलिंडरचे नवे दर आज जाहीर करण्यात आले. चार महानगरांत कमर्शियल सिलिंडरच्या दरात कपात करण्याचा निर्णय घेण्यात आला आहे. इंडेन कंपनीचा सिलिडर दिल्लीत 198 रुपयांनी स्वस्त झाला आहे. तर दुसरीकडे कोलकात्यात 182 रुपये, मुंबईत 190 रुपये 50 पैसे तर चेन्नईत 187 रुपयांनी स्वस्त झाला आहे.