चीनमध्ये बुधवारी रात्री मोठा स्फोट झाला. या मोठ्या स्फोटात 31 जणांचा मृत्यू झाल्याची बातमी आहे. हा मृतांचा आकडा आणखी वाढू शकतो. चीनमधील यिनचुआन शहरातील एका रेस्टॉरंटमध्ये हा मोठा स्फोट झाल्याचे सांगण्यात येत आहे. मिळालेल्या माहितीनुसार, स्फोटाचे कारण गॅस गळती असल्याचे सांगितले जात आहे.
या घटनेची माहिती देताना चिनी मीडिया शिन्हुआने सांगितले की, रेस्टॉरंटमध्ये अचानक गॅस गळतीमुळे वेगवान स्फोट झाला. या अपघाताची माहिती मिळताच अग्निशमन दलाच्या मोठ्या गाड्या घटनास्थळी दाखल झाल्या. लोकांना येथून बाहेर काढून रुग्णालयात नेण्यात आले.
One person was killed and 38 were rescued following a gas explosion at a barbecue restaurant in Northwest China’s Yinchuan on Wednesday night as of Thursday morning. The cause of the incident is still under investigation. pic.twitter.com/pM2DIY8VmG
— Global Times (@globaltimesnews) June 22, 2023
ग्लोबल टाईम्सच्या वृत्तानुसार, बुधवारी रात्री वायव्य चीनमधील यिनचुआन येथील बार्बेक्यू रेस्टॉरंटमध्ये गॅसचा स्फोट झाला. या अपघातात 31 जणांचा मृत्यू झाला असून 7 जणांवर उपचार सुरू आहेत. चिनी मीडियामध्ये अपघाताची तीव्रता दर्शविणारी फोटो समोर आले आहेत.
स्फोटानंतर संपूर्ण रेस्टॉरंट आणि आजूबाजूची दुकाने आगीच्या भक्ष्यस्थानी कशी जळून खाक झाली, हे या छायाचित्रांमध्ये स्पष्टपणे दिसत आहे. चिनी प्रशासनाचे कर्मचारी घटनास्थळी तत्परतेने आग विझवण्यात गुंतले आहेत. त्याचबरोबर आग कशामुळे लागली याचाही सखोल तपास करण्यात येत आहे. घटनास्थळावरून आतापर्यंत 38 जणांची सुटका करण्यात आली आहे.
BREAKING: 31 people are dead and 7 injured after an explosion at a restaurant in Ningxia, China. pic.twitter.com/laDUt5h07Y
— 11☆11 (@FREEDOMWWGIWGA) June 22, 2023
ज्या भागात स्फोट झाला तो मुस्लिमबहुल भाग
ड्रॅगन बोट फेस्टिव्हलच्या आधी स्फोटाची ही घटना सांगितली जात आहे. ज्या भागात ही घटना घडली त्या भागात मुस्लीम लोकसंख्या मोठ्या प्रमाणात आहे. त्याचवेळी चीनचे राष्ट्राध्यक्ष शी जिनपिंग यांनीही या घटनेबद्दल दु:ख व्यक्त केले असून जखमींना प्राथमिक उपचार देण्याची विनंती केली आहे.