आयपीएल 2024 22 मार्चपासून सुरू होत आहे. आयपीएलचे वेळापत्रक आधीच जाहीर झाले आहे. सध्या पहिल्या टप्प्यात 7 एप्रिलपर्यंत 17 दिवसांचे वेळापत्रक जाहीर करण्यात आले आहे. सार्वत्रिक निवडणुकांच्या तारखा जाहीर झाल्यानंतर आता दुसऱ्या टप्प्याचे वेळापत्रक जाहीर केले जाईल. आयपीएल 2024 मध्ये, चेन्नई सुपर किंग्ज संघ 22 मार्च रोजी RCB विरुद्ध पहिला सामना खेळणार आहे. मात्र याआधीच चेन्नई सुपर किंग्ज संघाला मोठा धक्का बसला आहे.
न्यूझीलंड आणि ऑस्ट्रेलिया यांच्यात दोन कसोटी सामन्यांची मालिका खेळवली जात आहे. न्यूझीलंडचा स्टार फलंदाज डेव्हॉन कॉनवे दुखापतीमुळे या मालिकेतील पहिला सामना खेळू शकला नाही. ESPNcricinfo च्या रिपोर्टनुसार आता तो दुसऱ्या टेस्ट मॅचमधूनही बाहेर आहे. कॉनवेच्या अंगठ्याला फ्रॅक्चर आहे. ऑस्ट्रेलियाविरुद्धच्या दुसऱ्या टी-20 सामन्यात त्याला दुखापत झाली होती. न्यूझीलंडचे प्रशिक्षक गॅरी स्टेड यांनी सांगितले की, कॉनवेवर शस्त्रक्रिया होणार आहे. त्यामुळे तो आठ आठवडे बाहेर राहणार आहे. यामुळे मेपर्यंत आयपीएलमध्ये चेन्नई सुपर किंग्जसाठी कॉनवे उपलब्ध होण्याची शक्यता नाही.
🚨Blow for CSK 🚨#IPL2024
Devon Conway set to have surgery on his left thumb that will rule him out for at least eight weeks.
More details – https://t.co/zJtJnAYAKE pic.twitter.com/PF9yD8y4J1
— Cricbuzz (@cricbuzz) March 4, 2024
आयपीएल 2022 च्या मेगा लिलावात चेन्नई सुपर किंग्ज संघाने डेव्हॉन कॉनवेला 1 कोटी रुपयांना विकत घेतले. तो स्फोटक फलंदाजीसाठी ओळखला जातो. त्याने CSK संघासाठी अनेक सामने स्वबळावर जिंकले आहेत. त्याने चेन्नई सुपर किंग्जसाठी सलामी दिली. त्याने आयपीएल 2022 च्या 7 सामन्यात 252 धावा केल्या आहेत. यानंतर त्याने आयपीएल 2023 च्या 16 सामन्यांमध्ये 672 धावा केल्या. आयपीएल 2023 मध्ये, त्याने CSK संघाला विजेतेपद मिळवून देण्यात महत्त्वाची भूमिका बजावली.
सीएसकेने पाच वेळा विजेतेपद पटकावले आहे
चेन्नई सुपर किंग्स ही आयपीएलमधील सर्वात यशस्वी फ्रँचायझींपैकी एक आहे. टीम महेंद्रसिंग धोनीने पाचवेळा आयपीएलचे जेतेपद पटकावले आहे. गेल्या मोसमात सीएसकेने गुजरात टायटन्सचा 5 गडी राखून पराभव केला होता. चेन्नईकडे धोनीसारखा दिग्गज कर्णधार आहे. तर सीएसकेकडे रवींद्र जडेजा आणि मोईन अलीसारखे स्टार अष्टपैलू खेळाडू आहेत.