IPL 2024 पूर्वी ‘या’ खेळाडूने चाहत्यांना दिला मोठा धक्का, लीगमध्ये न खेळण्याचा घेतला निर्णय

IPL 2024 च्या लिलावापूर्वी एक मोठा अपडेट समोर आला आहे. या लीगमधून एका स्टार खेळाडूने आपले नाव मागे घेतले आहे. या खेळाडूने गेल्या वर्षीच लीगमध्ये पदार्पण केले होते.

खेळविश्व
By Team Inside Marathi
WhatsApp Group

IPL 2024 साठी 26 नोव्हेंबर हा खूप खास दिवस आहे. सर्व 10 फ्रँचायझी त्यांच्या कायम ठेवलेल्या खेळाडूंची यादी जाहीर करतील. ही यादी येण्यापूर्वीच अनेक खेळाडू आयपीएलमधून बाहेर पडले आहेत. इंग्लंडचा फलंदाज जो रूटने आयपीएल 2024 मधून आपले नाव मागे घेतले आहे.

राजस्थान रॉयल्सने निवृत्तीपूर्वी शनिवारी याची पुष्टी केली. रॉयल्सने ट्विट केले आणि लिहिले – आम्ही तुम्हाला ड्रेसिंग रूममध्ये मिस करू. बेन स्टोक्सनंतर या स्पर्धेतून माघार घेणारा जो रूट हा दुसरा हाय-प्रोफाइल इंग्लिश क्रिकेटपटू ठरला आहे. 2023 च्या हंगामापूर्वीच्या लिलावात रॉयल्सने रूटला 1 कोटी रुपयांच्या मूळ किमतीत त्यांचा शेवटचा परदेशी खेळाडू म्हणून निवडले होते. मात्र, रूटला रॉयल्सकडून केवळ तीन सामने खेळण्याची संधी मिळाली. त्यापैकी फक्त एकदाछ् फलंदाजीची संधी मिळाली.

राजस्थान रॉयल्सचे क्रिकेट संचालक कुमार संगकाराने सांगितले की, आमच्या रिटेन्शन चर्चेदरम्यान जो रूटने आयपीएल 2024 मध्ये भाग न घेण्याच्या निर्णयाबद्दल आम्हाला माहिती दिली. जो रूटने फार कमी कालावधीत संघावर इतका सकारात्मक प्रभाव पाडला आहे.

आवेश खानची संघात एंट्री: राजस्थान रॉयल्सचा फलंदाज देवदत्त पडिक्कल आणि लखनऊ सुपर जायंट्सचा गोलंदाज आवेश खान यांची अदलाबदल करण्यात आली आहे. अशा परिस्थितीत आवेश खान आता राजस्थान रॉयल्सकडून खेळताना दिसणार आहे.